ଉଦଳା,୧୫/୦୭: ଘରେ କେହି ନ ଥିବା ବେଳେ କଳାକନା ବୁଲାଇଲେ ଦୁର୍ବୃତ୍ତ । କପ୍ତିପଦା ଥାନା ଝିଙ୍କପଦା ଗ୍ରାମର କାର୍ତିକେଶ୍ୱର ସାହୁଙ୍କ ଘରେ ହୋଇଛି ଏଭଳି ଘଟଣା ।ନିଜ ପୁଅ ଘରକୁ ଯାଇଥିବା ବେଳେ ଆଲମୀରା ଭାଙ୍ଗି ଲୁଟିନେଲେ ସୁନା ଅଳଙ୍କାର, ନଗଦ ଟଙ୍କା ସହ କାଗଜପତ୍ର ।
ସୂଚନା ଅନୁଯାୟୀ, କାର୍ତିକେଶ୍ୱର ସାହୁ ତାଙ୍କ ସ୍ତ୍ରୀଙ୍କ ସହ ଭୁବନେଶ୍ୱର ନିଜ ପୁଅ ଘରକୁ ଯାଇଥିଲେ । ରବିବାର ତାଙ୍କ ପୁତୁରା କାର୍ତ୍ତିକେଶ୍ୱରଙ୍କ ଘର ନିକଟକୁ ଆସିଥଲେ । ଘରର କବାଟ ଖୋଲାଥିବା ଦେଖିବାକୁ ପାଇଥିଲେ । କାର୍ତ୍ତିକେଶ୍ୱରଙ୍କୁ ଏ ବିଷୟରେ ଜଣାଇବା ପରେ ସେ ରାତିରେ ଆସି ଘରେ ପହଞ୍ଚିଥିଲେ । ଘରର କବାଟ ଭଙ୍ଗା ଯାଇଥିବା ଦେଖିବାକୁ ପାଇଥିଲେ । ଘରୁ ଚୋରି ହେବା କଥା ଜାଣି କପ୍ତିପଦା ପୋଲିସକୁ ଖବର ଦେଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଲୁଟେରାମାନେ ଘରୁ ସୁନା ଅଳଙ୍କାର, ନଗଦ ଟଙ୍କା ସହ ବହୁ ଗୁରୁତ୍ୱପୂର୍ଣ୍ଣ କାଗଜପତ୍ର ଚୋରି କରି ନେଇଥିବା ଜଣାପଡିଛି । ସାଇଣ୍ଟିଫିକ ଟିମ୍ ଘଟଣା ସ୍ଥଳରେ ପହଞ୍ଚି ଛାନଭିନ କରିବା ପରେ, ସମୁଦାୟ କେତେ ଟଙ୍କାର ଲୁଟ୍ ହୋଇଛି ତାହା ଜଣାପଡିବ ।