ନୂଆଦିଲ୍ଲୀ,୮।୭: ପୁରୁଣା ଗାଡ଼ି ମାଲିକଙ୍କ ପାଇଁ ଖରାପ ଖବର ।  ଏବେ ନଭେମ୍ବର ୧ ରୁ ଦିଲ୍ଲୀ ଏବଂ NCRର ୫ ଟି ଜିଲ୍ଲାରେ ପୁରୁଣା ଗାଡ଼ି ଜବତ କରାଯିବ। ବାୟୁ ଗୁଣବତ୍ତା ପରିଚାଳନା ଆୟୋଗ (CAQM) ବୈଠକରେ ଏହି ନିଷ୍ପତ୍ତି ନିଆଯାଇଛି। ଅର୍ଥାତ୍, ଏବେ ଯଦି ଆପଣ ୧ ନଭେମ୍ବର ରୁ ପୁରୁଣା ଗାଡ଼ି ସହିତ NCR ରେ ପ୍ରବେଶ କରନ୍ତି, ତେବେ ଗାଡ଼ି ଜବତ କରାଯିବ। ପୁରୁଣା ଗାଡ଼ିରେ ୧୫ ବର୍ଷ ପୁରୁଣା ପେଟ୍ରୋଲ ଗାଡ଼ି ଏବଂ ୧୦ ବର୍ଷ ପୁରୁଣା ଡିଜେଲ ଗାଡ଼ି ଅନ୍ତର୍ଭୁକ୍ତ ରହିଛି।

ଦିଲ୍ଲୀ ସରକାର ଏହି ନିୟମ ୧ ଜୁଲାଇ, ୨୦୨୫ ରୁ ଲାଗୁ କରିଥିଲେ। କିନ୍ତୁ ପ୍ରବଳ ବିରୋଧ ଏବଂ ତ୍ରୁଟି ପରେ ଏହାକୁ ପ୍ରତ୍ୟାହାର କରାଯାଇଥିଲା। ତଥାପି, ଦିଲ୍ଲୀ ସରକାର ପ୍ରତ୍ୟାହାର ନିଷ୍ପତ୍ତିକୁ ଅସ୍ଥାୟୀ ବୋଲି ବର୍ଣ୍ଣନା କରି କହିଥିଲେ ।  ଏହା ସହ କହିଥିଲେ ଏବେ ଏହାକୁ କେବଳ ଦିଲ୍ଲୀରେ ନୁହେଁ ବରଂ NCRରେ ମଧ୍ୟ ଲାଗୁ କରାଯିବା ଉଚିତ। 

ଅର୍ଥାତ୍ ପୁରୁଣା ଯାନଗୁଡ଼ିକ ୩୧ ଅକ୍ଟୋବର ପର୍ଯ୍ୟନ୍ତ ପେଟ୍ରୋଲ ଏବଂ ଡିଜେଲ ପାଇପାରିବେ। ମଙ୍ଗଳବାର  CAQM ବୈଠକରେ ଏହି ନିଷ୍ପତ୍ତି ନିଆଯାଇଛି। ନଭେମ୍ବର ପହିଲାରୁ  ପୁରୁଣା ଯାନଗୁଡ଼ିକୁ ଡିଜେଲ ଏବଂ ପେଟ୍ରୋଲ ଦେବା ଉପରେ କଟକଣା ଦିଲ୍ଲୀ ସହିତ ଗାଜିଆବାଦ, ଗୌତମ ବୁଦ୍ଧ ନଗର (ନୋଏଡା), ଗୁରୁଗ୍ରାମ ଏବଂ ସୋନିପତ ଭଳି NCR ର ଗୁରୁତ୍ୱପୂର୍ଣ୍ଣ ସହରଗୁଡ଼ିକରେ ଲାଗୁ ହେବ।ସୁତ୍ରର ସୂଚନା ଅନୁସାରେ, ଏବେ ଯେଉଁ ଚ୍ୟାଲେଞ୍ଜ ଆସୁଛି ତାକୁ ଦୂର କରିବା ପାଇଁ କିଛି ସମୟ ନିଆଯାଇଛି।