ନୂଆଦିଲ୍ଲୀ ,୧୧/୧୧: ପୁଅରୁ ଝିଅ ହେଲେ ପୂର୍ବତନ କ୍ରିକେଟରଙ୍କ ପୁଅ । ପୂର୍ବତନ ଭାରତୀୟ କ୍ରିକେଟର ସଞ୍ଜୟ ବାଙ୍ଗରଙ୍କ ପୁଅ ଆର୍ୟାନ ବାଙ୍ଗର ଏବେ ସୋସିଆଲ ମିଡିଆରେ ଚର୍ଚ୍ଚାକୁ ଆସିଛନ୍ତି । ହରମୋନ ଟ୍ରାନ୍ସଫରମେସନ କରି ପୁଅରୁ ଝିଅ ହୋଇଛନ୍ତି ଆର୍ୟାନ । ୧୦ମାସ ଧରି ଅସ୍ତ୍ରୋପ୍ରଚାର କରିବା ପରେ ଆର୍ୟାନରୁ ଅନାୟା ହୋଇଛନ୍ତି । ଏହି କାରଣ ପାଇଁ ହଠାତ୍ ସୋସିଆଲ ମିଡିଆର ସେନସେସନ ପାଲଟିଛନ୍ତି ସଞ୍ଜୟ ବାଙ୍ଗରଙ୍କ ପୁଅ ।

ଆର୍ୟାନ ବାଙ୍ଗରଙ୍କର ଏକ ଭିଡିଓ ସୋସିଆଲ ମିଡିଆରେ ସାମ୍ନାକୁ ଆସିଛି । ସେ ପୁଅରୁ ଝିଅ ହେବାର ଯାତ୍ରା ଭିଡିଓଟି ଇନଷ୍ଟାଗ୍ରାମରେ ପୋଷ୍ଟ କରିଛନ୍ତି । ଭିଡିଓଟିକୁ ପୋଷ୍ଟ କରି ସେ ଲେଖିଛନ୍ତି ଏହି ପରିବର୍ତ୍ତନର ଯାତ୍ରା ମୋ ପାଇଁ ସହଜ ନଥିଲା । ବହୁତ କଷ୍ଟକର ଥିଲା । ପିଲାଦିନୁ କ୍ରିକେଟ ଖେଳିବା ମୋ ସ୍ବପ୍ନ । ମୋ ବାପାଙ୍କୁ କ୍ରିକେଟ ଖେଳିବା ଦେଖିଛି । ଏହି ଯାତ୍ରାରେ ମୋର ବଳିଦାନ ଓ ସମର୍ପଣ ଭାବ ରହିଛି । ସମାଲୋଚନାର ଶିକାର ହୋଇଛି  । ପ୍ରତି ଷ୍ଟେପରେ ମୋତେ ଷ୍ଟ୍ରେନ୍ଥ ଦରକାର ପଡିଛି ବୋଲି କ୍ୟାପ୍ସନ ଲେଖିଥିଲେ । ଖେଳ ବ୍ୟତୀତ ମୋର ଆଉ ଏକ ଯାତ୍ରା ରହିଥିଲା । ନିଜକୁ ନିଜେ ଆବିଷ୍କାର କରିବା । ଏ ନେଇ ଅନେକ ଚ୍ୟାଲେଞ୍ଜର ସାମ୍ନା କରିବାକୁ ପଡିଛି । ଗୋଟିଏ ଝିଅ ହୋଇ ବହୁତ ଖୁସି ଅନୁଭବ କରୁଛି ବୋଲି ପୋଷ୍ଟରେ କହିଛନ୍ତି ।

ସଞ୍ଜୟଙ୍କ ପରି  ଆର୍ୟାନ ବାଙ୍ଗର ମଧ୍ୟ ଜଣେ କ୍ରିକେଟର । ସେ ଜଣେ ବାମହାତୀ ବ୍ୟାଟ୍ସମ୍ୟାନ ଏବଂ ସ୍ଥାନୀୟ କ୍ରିକେଟ କ୍ଲବ ପାଇଁ ଖେଳୁଥିଲେ । ପୂର୍ବତନ ଭାରତୀୟ କ୍ରିକେଟ ସଞ୍ଜୟ ବାଙ୍ଗର ୨୦୧୪ରୁ ୨୦୧୮ ଯାଏ ଭାରତୀୟ ଦଳର ବ୍ୟାଟିଂ କୋଚ ଥିଲେ । ଏହା ସହିତ ୨୦୨୨ରେ ଆରସିବିର ମୁଖ୍ୟ କୋଚ ଥିଲେ । ଭାରତ ପାଇଁ ସଞ୍ଜୟ ବାଙ୍ଗର ୧୨ଟି ଟେଷ୍ଟ, ୧୫ ଦିନିକିଆ ଖେଳିଛନ୍ତି । ଯେଉଁଥିରେ ସେ ଯଥାକ୍ରମେ ୪୭୦ ଏବଂ ୧୮୦ରନ କରିଛନ୍ତି ।