ଘଟଗାଁ,୨୪/୦୭: କେନ୍ଦୁଝର ଜିଲ୍ଲା ଘଟଗାଁ ବ୍ଲକ ଅନ୍ତର୍ଗତ ସାନ୍ତରାପୁର ଗ୍ରାମରେ ବନ ବିଭାଗର ବଡ ଧରଣର ଚଢାଉ। କାଠ ଚୋରା ଚାଲାଣ ବେଳେ ୧୦ ଟ୍ରିପ୍ରୁ ଉର୍ଦ୍ଧ୍ଵ କାଠ ଜବତ ହୋଇଥିବା ଜଣାପଡିଛି । ବୁଧବାର ସକାଳୁ ଡିଏଫଓଙ୍କ ତତ୍ତ୍ୱାବଧାନରେ ଏହି ରେଡ୍ କରାଯାଇଛି ।
ସୂଚନା ଅନୁଯାୟୀ, ଚୋରା କାଠ ମାଫିଆଙ୍କ ହବ ପାଲଟିଛି କେନ୍ଦୁଝର। ବାରମ୍ବାର ଚଢାଉ ସତ୍ତ୍ୱେ ଚେତୁ ନାହାଁନ୍ତି ମାଫିଆ । ବୁଧବାର ସକାଳୁ ଡିଏଫଓଙ୍କ ତତ୍ତ୍ୱାବଧାନରେ ଘଟଗାଁ ବ୍ଲକ ଅନ୍ତର୍ଗତ ସନ୍ତରାପୁର ଗ୍ରାମରେ ଚଢାଉ ହୋଇଛି । ସେଠାରୁ ୧୦ ଟ୍ରିପରୁ ଉର୍ଦ୍ଧ୍ଵ କାଠ ଜବତ ହୋଇଥିବା ଖବର ମିଳିଛି। ଘଟଣା ସ୍ଥଳରେ ୧୦ ପ୍ଲାଟୁନ ପୋଲିସ ଫୋର୍ସ ମୁତୟନ ରହିଛନ୍ତି । ଆଗକୁ ଆହୁରି ମଧ୍ୟ କାଠ ଜବତ ନେଇ ଚଢ଼ାଉ ଜାରି ରହିଛି। ଏତେ ପରିମାଣର କାଠ ଦେଖି ବନ ବିଭାଗ ତାଜୁବ ହୋଇଯାଇଛି। ଏଠାରେ ଅନେକ ବାର ବନ ବିଭାଗ ଚଢ଼ାଉ କରି ବିଫଳ ହେଉଥିବା ବେଳେ ଆଜି ବନ ବିଭାଗକୁ ବଡ ସଫଳତା ମିଳିଛି । ଘଟଣା ସ୍ଥଳରେ ଡି. ଏଫ୍. ଓ ଏଚଡି ଧନରାଜ୍, ଘଟଗାଁ ଏଡିପିଓ, ଘଟଗାଁ ତହସିଲଦାର ଓ ବ୍ୟାପକ ଫୋର୍ସ ମୁତୟନ ରହିଛନ୍ତି। ବର୍ତ୍ତମାନ ପର୍ଯ୍ୟନ୍ତ ଚଢ଼ାଉ ଜାରି ରହିଛି ।
