ନବରଙ୍ଗପୁର,୨୦/୦୭: ଲଗାଣ ବର୍ଷାର ପରିଣତି । ତୁରୀ ନଦୀର ଅସ୍ଥାୟୀ ପୋଲରେ ୨ ଫୁଟ୍ ଉଚ୍ଚର ପାଣି । ନଦୀ ଉପରେ ପୋଲ କାମ ଚାଲୁ ରହିଛି । ନିକଟରେ ଯାନବାହାନ ଚଳାଚଳ ପାଇଁ ରହିଛି ଏକ ଅସ୍ଥାୟୀ ପୋଲ । ଶୁକ୍ରବାର ଠାରୁ ଲାଗି ରହିଥିବା ବର୍ଷା ଯୋଗୁଁ ଏହି ପୋଲ ଉପରେ ଚାରୀ ଫୁଟ ଉଚ୍ଚର ଜଳ ପ୍ରବାହିତ ହେଉଛି ।
ସୂଚନା ଅନୁଯାୟୀ, ନବରଙ୍ଗପୁର ଜିଲ୍ଲା ପାପଡାହାଣ୍ଡି ସ୍ଥିତ ତୁରୀ ନଦୀରେ ପୋଲ କାମ ଚାଲୁ ରହିଛି । ତେଣୁ ଏହାର ନିକଟରେ ଯାନବାହାନ ଚଳାଚଳ ପାଇଁ ଏକ ଅସ୍ଥାୟୀ ପୋଲ ରହିଛି । ଶୁକ୍ରବାର ଠାରୁ ଲାଗି ରହିଥିବା ଲାଗାତାର ବର୍ଷା କାରଣରୁ ଏହି ଅସ୍ଥାୟୀ ପୋଲ ଉପରେ ଚାରୀ ଫୁଟ ଉଚ୍ଚର ଜଳ ପ୍ରବାହିତ ହେଉଛି । ଫଳରେ ରାସ୍ତାର ଅପରପାର୍ଶ୍ୱରେ ଥିବା ୫ ଟି ବ୍ଲକ ସହ ନବରଙ୍ଗପୁରକୁ ଯୋଗଯୋଗ ବିଚ୍ଛିନ୍ନ ହୋଇଛି । ରାସ୍ତାର ଉଭୟ ପାର୍ଶ୍ଵରେ ଅଟକି ରହିଛି ଶହ ଶହ ଗାଡି । ବ୍ରିଜ୍ର ଅପରପାର୍ଶ୍ୱରେ ଡାବୁଗାଁ, ଉମରକୋଟ, ଝରିଗାଁ, ରାଇଘର ଓ ଚନ୍ଦହାଣ୍ଡି ବ୍ଲକକୁ ଏକ ଗୁରୁତ୍ୱପୂର୍ଣ୍ଣ ମାର୍ଗ ରହିଛି । ପୋଲରେ ବନ୍ୟା ଜଳ ପ୍ରବାହିତ ହେଲେ ଭବିଷ୍ୟତରେ ଏହା ଚିନ୍ତାର ବିଷୟ ପାଲଟିବ । ତେଣୁ ଏହି ସ୍ଥିତିକୁ ଏଡାଇବା ପାଇଁ ଜିଲ୍ଲାପାଳ ସତର୍କତା ମୂଳକ ମାର୍ଗଦର୍ଶିକା ଜାରି କରିଛନ୍ତି । ଦୁଇ ଚକିଆ ଯାନ ଗୁଡିକ ଘାଟଗୁଡାରୁ ବାସିନୀ - ମୋକିଆ- ପାପଡାହାଣ୍ଡି ଦେଇ ଯାତାୟାତ କରିବାପାଇଁ ନିର୍ଦ୍ଦେଶ ଦେଇଛନ୍ତି ।