ମାଲକାନଗିରି, ୯/୯(ଆପ୍ର ): ମାଲକାନଗିରି ଜିଲ୍ଲା ସଦର ମହକୁମାରେ ଥିବା  ଏକ ଜୋତା ଦୋକାନୀ ଙ୍କ ଗୋଦାମରେ  ନିଆଁ ଲାଗି ଲକ୍ଷାଧିକ ଟଙ୍କାର ଜୋତା ଜଳି ପୋଡି ପାଉଁଶ ହୋଇଯାଇଛି। ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ ପାଇଁ ପ୍ରୟାସ ଜାରି ରଖିଛି । 

 ସୂଚନା ଅନୁଯାୟୀ ସୋମବାର ରାତିରେ ଜିଲ୍ଲା ସଦରରେ ଥିବା ଟେଲିଫୋନ ଭବନ ସମ୍ମୁଖରେ ଥିବା ଅଶୋକ ଫୁଟୱେର ନାମକ ଜୋତା ଦୋକାନର ଗୋଦାମରେ କୌଣସି କାରଣରୁ ନିଆଁ ଲାଗି ଯାଇଥିଲା । ଗୋଦାମରେ ଲକ୍ଷ ଲକ୍ଷ ଟଙ୍କାର ଜୋତା ଥିବା ବେଳେ ନିଆଁ ଲାଗିଥିବା ଦେଖି ଦୋକାନୀ ତୁରନ୍ତ ଦମକଳ ବାହିନୀକୁ ଖବର ଦେଇଥିଲେ । ଖବର ପାଇ ଦମକଳ ବାହିନୀର ୩ଟି ଗାଡି ଓ କର୍ମଚାରୀ ନିଆଁ ଲିଭାଇବା ପାଇଁ ପହଞ୍ଚି ନିଆଁ ଲିଭାଇଥିଲେ। ତେବେ ଜୋତା ଗୁଡିକରେ ନିଆଁ ଲାଗି ଥିବାରୁ ଏହାକୁ ଆୟତ୍ତ କରିବା କଷ୍ଟକର ହୋଇ ପଡିଛି । ପ୍ରାଥମିକ ସୂଚନା ଅନୁଯାୟୀ ସର୍ଟ ସର୍କିଟ ଯୋଗୁଁ ଏହି ନିଆଁ ଲାଗିଥିବା ଜଣାପଡିଥିବା ବେଳେ ତଦନ୍ତ ପରେ ସମ୍ପୂର୍ଣ୍ଣ ତଥ୍ୟ ମିଳିପାରିବ  ବୋଲି ଅଗ୍ନିଶମ ବିଭାଗ ଅଧିକାରୀ କହିଛନ୍ତି।