ଭୁବନେଶ୍ୱର, ୧୭/୦୯: ସୁଭଦ୍ରା ଯୋଜନା ସମାରୋହ ପାଇଁ କମିଶନରେଟ୍ ପୁଲିସ ଟ୍ରାଫିକ କଟକଣା ଜାରି କରିଛି । ସକାଳ ସାଢ଼େ ୭ଟାରୁ ୭ ଘଣ୍ଟା ସମାରୋହ ସରିବା ଯାଏ ଜୟଦେବ ବିହାର ଛକଠାରୁ ନାଲକୋ ଛକ ରାସ୍ତାର ୨ ପାଶ୍ୱର୍ ବନ୍ଦ ରହିବ । କେବଳ ପ୍ରଧାନମନ୍ତ୍ରୀଙ୍କ କାରକେଡ୍, କେନ୍ଦ୍ରୀୟ ନେତା ଓ ଭିଭିଆଇପିଙ୍କ ପାଇଁ ଏହି ରାସ୍ତା ଖୋଲା ରହିବ । ଅଗ୍ନିଶମ ଗାଡି ଓ ଆମ୍ବୁଲାନ୍ସ ଏହି ରାସ୍ତାରେ ଯାଇପାରିବ ।
କର୍ମୀ ବସ୍ରେ ଆସିଲେ କେଉଁଠି ଓହ୍ଲାଇବେ?
କଟକ ପଟୁ ଆସୁଥିବା ବସ୍ଗୁଡି଼କ ରସୁଲଗଡ଼ ରେଳୱେ ଓଭରବ୍ରିଜ୍ ଠାରୁ ସର୍ଭିସ ରୋଡରେ ଆସି ବାଣୀବିହାର ଛକ, ଆଚାର୍ଯ୍ୟ ବିହାର ଛକରୁ ଡାହାଣ ପାଶ୍ୱର୍କୁ ମୋଡି଼ବ । ସୈନିକ ସ୍କୁଲ ରାସ୍ତା ଦେଇ ନାଲ୍କୋ ଛକ ନିକଟ ସର୍ଭେ ଅଫ୍ ଇଣ୍ଡିଆ ଲେନ୍ରେ କର୍ମୀମାନଙ୍କୁ ଓହ୍ଲାଇ ପାରିବ । ସେଠାରୁ ବସ୍ଗୁଡି଼କ ଜାଭିୟର- ହାତିଆଶୁଣୀ ଛକ ରାସ୍ତାର ଉଭୟ ପାଶ୍ୱର୍ରେ ପାର୍କିଂ କରାଯିବ ।
ଖୋର୍ଦ୍ଧା ଆଡୁ ବସ୍ରେ ଆସୁଥିବା କର୍ମୀମାନେ ଜୟଦେବବିହାର ଫ୍ଲାଏ ଓଭର ଅତିକ୍ରମ କରି ସର୍ଭିସ ରୋଡ ଦେଇ ଆଚାର୍ଯ୍ୟବିହାର ଛକରୁ ବାମକୁ ମୁହାଇଁବେ । ସୈନିକ ସ୍କୁଲ ରାସ୍ତା ପାର୍ କରି ସର୍ଭେ ଅଫ୍ ଇଣ୍ଡିଆ ଲେନ୍ ସାମ୍ନାରେ ସେମାନେ ବସ୍ ରଖିବେ । ପରେ ନାଲ୍କୋ ଛକରୁ ସମାନ ରାସ୍ତା ଦେଇ ଜାଭିଅର ଛକ-ହାତିଆଶୁଣୀ ଛକ ରାସ୍ତାରେ ପାର୍କିଂ କରିପାରିବେ ।
କାର, ବାଇକ୍ରେ ଆସିଲେ କେଉଁଠି ଓହ୍ଲାଇବେ?
କେହି ଚାରିଚକିଆ ଯାନ କିମ୍ବା ଦୁଇଚକିଆ ଯାନରେ କଟକ ପଟୁ ଆସିଲେ, ରସୁଲଗଡ ରେଳୱେ ଓଭରବ୍ରିଜ୍ ଦେଇ ସର୍ଭିସ୍ ରୋଡରେ ବାଣୀବିହାର ଛକ, ଆଚାର୍ଯ୍ୟବିହାର ଛକରୁ ଡାହାଣ ପାଶ୍ୱର୍କୁ ମୁହାଇଁବେ । ଆପୋଲୋ ହସ୍ପିଟାଲ, ସୈନିକ ସ୍କୁଲ ରାସ୍ତାରେ ପ୍ରେସ ଛକ, ନାଲ୍କୋ ଛକ ଦେଇ ଆର୍ସିଏନ୍ କଟ୍ଠାରୁ ବାମ ମୋଡ ନେଇ ଓଏସ୍ଏପି ସପ୍ତମ ବାଟାଲିୟନ ପଡିଆରେ ଗାଡି଼ ପାର୍କିଂ କରିପାରିବେ । ନନ୍ଦନକାନନ ପଟୁ ଆସୁଥିବା କାର ବାଇକ୍ଗୁଡିକ ନାଲକୋ ଛକ ନିକଟ ସର୍ଭେ ଅଫ୍ ଇଣ୍ଡିଆ ଲେନ୍ରେ ସମର୍ଥକଙ୍କୁ ଓହ୍ଲାଇ ପାରିବ । କିନ୍ତୁ ଗାଡି଼କୁ ସପ୍ତମ ବାଟାଲିଅନ ପଡି଼ଆରେ ପାର୍କିଂ କରିବାକୁ ପଡିବ ।
କିଏ କେଉଁ ଗେଟ୍ରେ ପଶିବେ?
ନିମନ୍ତ୍ରିତ ଅତିଥିମାନେ ସର୍ଭେ ଅଫ୍ ଇଣ୍ଡିଆ ଦେଇ ଜନତା ମଇଦାନର ମୁଖ୍ୟ ଫାଟକରେ ଓହ୍ଲାଇ ଅତିଥି ଫାଟକ ଦେଇ ଭିତରକୁ ପ୍ରବେଶ କରିପାରିବେ । ଅତିଥିମାନଙ୍କ ଗାଡି଼ ଜନତା ମଇଦାନ ଭିତରେ ପାର୍କିଂ କରାଯିବା ବ୍ୟବସ୍ଥା ହୋଇଛି । ଦଳୀୟ କର୍ମୀ ସପ୍ତମ ବାଟାଲିୟନ ପଡି଼ଆ କିମ୍ବା ସର୍ଭେ ଅଫ ଇଣ୍ଡିଆରେ ଗାଡି଼ ରଖି ଚାଲିକି ଜନତା ମଇଦାନର ୩ ନମ୍ବର ଗେଟ୍ ପଟେ ସମାରୋହ ସ୍ଥଳକୁ ଯିବେ ।
