ଖନ୍ତାପଡ଼ା, ୩୦/୫ : ବାଲେଶ୍ୱର ଜିଲ୍ଲା ଖନ୍ତାପଡ଼ା ରେଳ ଷ୍ଟେସନ ଦେଇ ଆଜି ଅପରାହ୍ନ ୨ ଟା ସମୟରେ ସିକନ୍ଦ୍ରାବାଦ ହାୱଡ଼ା ଅଭିମୁଖେ ଗାଡ଼ି ନଂ ୧୨୭୦୪ଫାଲକୋନାମା ଏକ୍ସପ୍ରେସ ଯାଉଥିବାବେଳେ କୌଣସି କାରଣ ବଶତଃ ପଛ ବଗିରେ ନିଆଁ ଲାଗି ଯାଇଥିଲା। ଏହାକୁ ଗେଟ୍ ମେକାନିକ ଦେଖି ଖନ୍ତାପଡ଼ା ରେଳ ଷ୍ଟେସନ ମାଷ୍ଟରଙ୍କୁ ଅବଗତ କରାଇଥିଲେ। ଘଟଣା ବିଷୟରେ ଜାଣି ଖନ୍ତାପଡ଼ା ରେଳ ଷ୍ଟେସନରେ ଟ୍ରେନକୁ ଅଟକ ରଖି ସ୍ଥାନୀୟ ଲୋକଙ୍କ ସହାୟତାରେ ନିଆଁକୁ ଆୟତ୍ତ କରିଥିବା ପ୍ରାପ୍ତ ସୂଚନାରୁ ଜଣା ପଡ଼ିଛି।
ଏହି ଘଟଣାରେ କୌଣସି ଯାତ୍ରୀଙ୍କର କିଛି କ୍ଷତି ହୋଇନଥିବା ଜଣାପଡ଼ିଛି । ଖନ୍ତାପଡ଼ା ରେଳ ଷ୍ଟେସନରେ ହାରାହାରି ୪୫ମିନିଟ ପାଖାପାଖି ଟ୍ରେନଟି ଛିଡ଼ା ହେବା ପରେ ଗନ୍ତବ୍ୟ ପଥରେ ଯାଇଥିଲା। ତେବେ ଗେଟ୍ ମେକାନିକ ଏବଂ ଲୋକ ପାଇଲଟଙ୍କ ଉପସ୍ଥିତି ବୁଦ୍ଧି ପାଇଁ ଏକ ବଡ଼ ଦୁର୍ଘଟଣାରୁ ବର୍ତ୍ତି ଯାଇଥିବା ସାଧାରଣରେ ଆଲୋଚନା ହେଉଛି।
