ମୁମ୍ୱାଇ : ମହାରାଷ୍ଟ୍ରର ଏକନାଥ ସିନ୍ଦେଙ୍କ ନେତୃତ୍ୱର ସରକାର ଗାଈକୁ ‘ରାଜ୍ୟ ମାତା’ ଭାବେ ଘୋଷିତ କରିଛନ୍ତି। ବିଧାନସଭା ନିର୍ବାଚନର ଠିକ୍ ପୂର୍ବରୁ ନିଆ ଯାଇଥିବା ଏହି ନିଷ୍ପତ୍ତିକୁ ହିନ୍ଦୁତ୍ୱ ନାମରେ ଲୋକଙ୍କୁ ଆକର୍ଷିତ କରିବା କଥା କୁହାଯାଉଛି। ସରକାରଙ୍କ କହିବାନୁସାରେ , ଭାରତର ସଂସ୍କୃତି ଓ ହିନ୍ଦୁତ୍ୱରେ ଗାଈର ବଡ଼ ମହିମା ରହିଛି। ଏଥିପାଇଁ ଗାଈର ସଂରକ୍ଷଣ କରାଯାଉଛି। ଏଥିପାଇଁ ଏହାକୁ ରାଜ୍ୟ ମାତାର ମାନ୍ୟତା ଦିଆ ଯାଉଛି। ଏହାର ଘୋଷଣା କରି ଡେପୁଟୀ ସିଏମ୍ ଦେବେନ୍ଦ୍ର ଫଡଣଭିସ୍ କହିଛନ୍ତି , ଦେଶୀ ଗାଈ ଆମ କୃଷକଙ୍କ ପାଇଁ ବରଦାନ। ଏଥିପାଇଁ ଆମେ ସେମାନଙ୍କୁ ରାଜ୍ୟ ମାତାର ମାନ୍ୟତା ଦେବାର ନିଷ୍ପତ୍ତି ନେଇଛୁ। ଆମେ ଏହା ମଧ୍ୟ ନିଷ୍ପତ୍ତି ନେଇଛୁ କି, ଗୋଶାଳା ଗୁଡ଼ିକରେ ଗାଈର ସଂରକ୍ଷଣର ବ୍ୟବସ୍ଥା କରାଯାଉ । ଏଥିପାଇଁ ସରକାର ଯଥା ସମ୍ଭବ ପ୍ରୟାସ କରିବେ।
ଏହି ସମ୍ୱନ୍ଧରେ ରାଜ୍ୟର ଡାଏରୀ ବିକାଶ ବିଭାଗ ପକ୍ଷରୁ ନୋଟିଫିକେସନ ମଧ୍ୟ ଜାରି ହୋଇଛି। ଏଥିରେ କୁହାଯାଇଛି କି ପ୍ରାଚୀନ କାଳରୁ ହିଁ ଭାରତରେ ଲୋକଙ୍କ ଜୀବନରେ ଗାଈର ପ୍ରମୁଖ ସ୍ଥାନ ରହିଛି। ଏହି ନୋଟିଫିକେସନରେ କୁହାଯାଇଛି କି ଗାଈର ବୈଜ୍ଞାନିକ, ଧାର୍ମିକ ଓ ସାଂସ୍କୃତିକ ମହତ୍ତ୍ୱ ରହିଛି। ଏଥିପାଇଁ ଗାଈକୁ କାମଧେନୁ କୁହାଯାଏ। ମରାଠାୱାଡାରେ ଗାଈର ଅନେକ ଦେଶୀୟ ବ୍ରିଡ୍ ରହିଛି। ଯାହାକୁ ମରାଠୱାଡାରେ ଦେୱନୀ ଓ ନାଲି କନ୍ଧାରୀ। ଏହା ବ୍ୟତୀତ ପଶ୍ଚିମ ମହାରାଷ୍ଟ୍ରରେ ଖିଲ୍ଲର ଓ ଉତ୍ତର ମହାରାଷ୍ଟ୍ରରେ ଡାଙ୍ଗି ବ୍ରିଡ୍ର ଗାଈ ରହିଛି।
ଡାଏରୀ ବିଭାଗ ନିଜ ଆଦେଶରେ କହିଛି ଯେ, ରାଜ୍ୟରେ ଖୁବ୍ ଜୋରରେ ଦେଶୀ ଗାଈଙ୍କ ବ୍ରିଡ୍ ହ୍ରାସ ପାଉଛି। ଏଥିପାଇଁ ଏହା ଜରୁରୀ କି ଏହାର ସଂରକ୍ଷଣ କରାଯାଉ। ବିଭାଗ ପକ୍ଷରୁ କୁହାଯାଇଛି କି , ଦେଶୀ ଗାଈର ଆମ ଡାଏଟିରେ ମଧ୍ୟ ମହତ୍ତ୍ୱ ରହିଛି। ଘିଅରୁ ନେଇ ଗୋବର, ମୂତ୍ର ଯାଏ ବ୍ୟବହାର ଆୟୁର୍ବେଦରେ କୁହାଯାଇଛି। ଏଥିପାଇଁ ଗାଈକୁ ଆମେ ରାଜ୍ୟ ମାତାର ମାନ୍ୟତା ଦେଉଛୁ। ସରକାର କ୍ୟାବିନେଟ୍ ମିଟିଂ ବେଳେ ଗାଈର ସଂରକ୍ଷଣ ପାଇଁ ଏକ ସ୍କିମ୍ର ମଧ୍ୟ ଘୋଷଣା କରିଛନ୍ତି।
