ନ୍ୟୁୟର୍କ,୬।୪: ଆମେରିକା ରାଷ୍ଟ୍ରପତି ଡୋନାଲ୍ଡୋ ଟ୍ରମ୍ପ ୫.୧ ବିଲିୟନ ଡଲାରର ମୋଟ ସମ୍ପତ୍ତି ସହ ୨୦୨୫ ଫୋର୍ବସ ବିଲେନିୟର୍ସ ଲିଷ୍ଟରେ ୭୦୦ ତମ ସ୍ଥାନ ହାସଲ କରିଛନ୍ତି। କେବଳ ୧୨ ମାସ ପୂର୍ବରୁ ତାଙ୍କର ଆର୍ଥିକ ଭବିଷ୍ୟତ ଗମ୍ଭୀର ଥିଲା। ବହୁ ଆଇନଗତ ମାମଲାରେ ଫଶିଥିଲେ ଓ ଆଇନଗତ ଶୁଣାଣିର ସାମନା କରୁଥିଲେ। କିନ୍ତୁ ଗତ ୧୨ ମାସରେ ସେ ନିଜ ସମ୍ପତ୍ତିକୁ ଦୁଇଗୁଣା କରିନେଇଛନ୍ତି ଟ୍ରମ୍ପଙ୍କ ଆର୍ଥିକ ସମସ୍ୟା ୨୦୨୪ରୁ ଆରମ୍ଭ ହୋଇଥିଲା, ଯେତେବେଳେ ନ୍ୟୁୟର୍କର ଏକ କୋର୍ଟ ତାଙ୍କ ବିରୋଧରେ ରାୟ ଦେଇଥିଲେ। ନ୍ୟୁୟର୍କର ଆଟର୍ଣ୍ଣିଂ ଜେନେରାଲ ଲୋଟିଟିୟା ଜେମ୍ସ ତାଙ୍କ ପ୍ରତିଷ୍ଠିତ ୪୦ ଓ୍ବାଲ୍ ଷ୍ଟ୍ରିକ୍ ବିଲ୍ଡିଂ ସହିତ ତାଙ୍କ ସମ୍ପତ୍ତି ଜବତ କରିବାର ସଙ୍କେତ ମଧ୍ୟ ଦେଇଥିଲେ। ଗୋଟିଏ ସମୟରେ ଟ୍ରମ୍ପଙ୍କ ଅନୁମାନିକ ନଗଦ କେବଳ ୪୧୩ ମିଲିୟନ ଡଲାର ଥିଲା। ଏହାର ଭବିଷ୍ୟତ ଉପରେ ମଧ୍ୟ କଳା ବାଦଳ ଛାଇ ହୋଇ ରହିଥିଲା।
ଏତେ ସମସ୍ୟା ପରେ ବି ଟ୍ରମ୍ପ ପୁଣିଥରେ କରିଥିଲେ କମବ୍ୟାକ୍। ତାଙ୍କ ଲିଗାଲ୍ ଟିମ୍ କୋର୍ଟଙ୍କୁ ସମ୍ପତ୍ତି ଜବତ କରିବାକୁ ରୋକିବା ପାଇଁ ଆବଶ୍ୟକୀୟ ବ୍ରାଣ୍ଡ ରାଶିକୁ ୪୫୪ ମିଲିୟନ ଡଲାରରୁ ହ୍ରାସ କରି ୧୭୫ ମିଲିୟନ ଡଲାର କରିବାକୁ ମନା କରିଥିଲେ। ଯାହାଫଳରେ ତାଙ୍କୁ ଏସବୁ ବଦଳାଇବାକୁ ସମୟ ମିଳିଯାଇଥିଲା। ଟ୍ରମ୍ପ ବିଳମ୍ବକାରୀ ରଣନୀତି ପାଇଁ ପରିଚିତ, ଯାହାକି ସବୁବେଳେ ତୁରନ୍ତ ଜିତିବାଠାରୁ ଅଧିକ ମୂଲ୍ୟବାନ ପ୍ରମାଣିତ ହୋଇଥାଏ।
ଏହାପରେ ଟ୍ରମ୍ପ ଏଭଳି ପଦକ୍ଷେପ ନେଇଥିଲେ, ଯାହାଫଳରେସବୁକିଛି ବଳିଯାଇଥିଲା। ଟ୍ରମ୍ପ ନିଜର ସୋସିଆଲ ମିଡିଆ ପ୍ଲାଟଫର୍ମ ଟ୍ରୁଥ୍ ସୋସିଆଲ ପାରେଣ୍ଟ କମ୍ପାନୀକୁ ପବ୍ଲିକ କରିଥିଲେ। ଟ୍ରୁଥ୍ ସୋସିଆଲର ଅଳ୍ପ ରାଜସ୍ବ ଓ କ୍ଷତି ପରେ ଟ୍ରମ୍ପଙ୍କ ବିଶ୍ବସ୍ଥ ସମର୍ଥକ ପାଇଁ କମ୍ପାନୀର ସେୟାର ଖୁବ୍ ବଢିଯାଇଥିଲା। ତେବେ ପରେ ଷ୍ଟକ୍ରେ ୭୨ ପ୍ରତିଶତ ହ୍ରାସ୍ ଘଟିଥିଲା, କିନ୍ତୁ ମାର୍ଚ୍ଚ ୨୦୨୫ ପର୍ଯ୍ୟନ୍ତ ଟ୍ରମ୍ପ ପାଖରେ ଏବେ ବି ୨.୬ ବିଲିୟନ ଡଲାର ସେୟାର ଥିଲା, ଯାହାକି ତାଙ୍କ ଉଲ୍ଲେଖନୀୟ ସମ୍ପତ୍ତି ବୃଦ୍ଧିରେ ଯୋଗଦାନ କରିଛି।
