ନୂଆଦିଲ୍ଲୀ,୬।୪: ମେଟା ପ୍ଲାଟଫର୍ମର ସିଇଓ ମାର୍କ ଜୁକରବର୍ଗ ଏକ ବଡ଼ ଘୋଷଣା କରିଛନ୍ତି । ସେ କହିଛନ୍ତି , କମ୍ପାନୀ ଏହାର ଲାର୍ଜ ଲାଙ୍ଗୁଏଜ୍ ମଡେଲ୍ (LLM) ) Llama  ଅଧୀନରେ ଦୁଇଟି ନୂତନ ମଡେଲ୍ ଉନ୍ମୋଚନ କରିଛି। ଏହି ମଡେଲଗୁଡ଼ିକର ନାମ ହେଉଛି Llama 4 Scout ଓ Llama 4 Maverick । ଆଗାମୀ ଦିନରେ ଆଉ ଦୁଇଟି ମଡେଲ୍ ଆସିବାର ଯୋଜନା ରହିଛି। 

ଶନିବାର ଦିନ, ମାର୍କ ଜୁକରବର୍ଗ ନିଜେ ଇନଷ୍ଟାଗ୍ରାମ ପ୍ଲାଟଫର୍ମରେ ଏ ବିଷୟରେ ଏକ ଭିଡିଓ ସେୟାର କରିଛନ୍ତି। ଭିଡିଓରେ ସେ ଦୁଇଟି Llama 4 ମଡେଲ ବିଷୟରେ ସୂଚନା ଦେଇଥିଲେ ଏବଂ କହିଥିଲେ ଯେ ଏହା ଗୁଗୁଲର ଜେମିନି ଏବଂ ଓପନ ଏଆଇର ଚାଟ୍ ଜିପିଟି ୪୦ସହିତ ପ୍ରତିଯୋଗିତା କରିବ।

ଉଲ୍ଳେଖନୀୟ ଯେ ମେଟାର Llama ଏକ ମଲ୍ଟିମଡେଲ ଏଆଇ ସିଷ୍ଟମ୍। ଏହି ସିଷ୍ଟମ ଅଲଗା ଅଲଗା ଡାଟାକୁ ପ୍ରୋସେସ୍‌ କରିପାରେ, ଯାହାଦ୍ବାରା ଟେକ୍ସଟ୍, ଭିଡିଓ, ଇମେଜ୍ ଓ ଅଡିଓ ଆଦି ସାମିଲ ରହିଛି ଓ କଣ୍ଟେଣ୍ଟକୁ ଏହି ପର୍ମାଟରେ କନଭର୍ଟ କରିପାରେ।  ମାର୍କ ଜୁକରବର୍ଗ କହିଛନ୍ତି ଯେ Llama 4 Scout ଏବଂ Llama 4 Maverick ଏପର୍ଯ୍ୟନ୍ତ ସବୁଠାରୁ ଉନ୍ନତ ମଡେଲ୍। ସେ ଆହୁରି କହିଛନ୍ତି ଯେ ଏହି ଦୁଇଟି ମଡେଲ ଖୋଲା ସୋର୍ସ ସଫ୍ଟୱେର୍ ହେବ। ତାଙ୍କ ଭିଡିଓରେ, ସେ ଆଗାମୀ ମଡେଲମାନଙ୍କୁ ନେଇ ଉତ୍ସାହିତ ଥିବା ପରି ମନେ ହେଉଥିଲେ।

କେବଳ ଏତିକି ନୁହେଁ, କମ୍ପାନୀ ଏକ Llama 4 Behemoth ପ୍ରସ୍ତୁତ କରୁଛି, ଯାହାକୁ  ନେଇ ଦାବି କରାଯାଉଛି ଯେ ଏପର୍ଯ୍ୟନ୍ତ ସବୁଠାରୁ ସ୍ମାର୍ଟ Llams ମଡେଲ୍ ହେବ ଏବଂ ନୂତନ ମଡେଲ୍ ଆଣିବାରେ ମଧ୍ୟ ସହାୟକ ହୋଇପାରିବ। ମେଟା ଏଆଇ ସମ୍ପର୍କରେ ଆହୁରି ଅନେକ ଯୋଜନା ପ୍ରସ୍ତୁତ କରୁଛି, ଯାହା ପାଇଁ ଏହା ଚଳିତ ବର୍ଷ ୬୫ ବିଲିୟନ ଡଲାର ନିବେଶ କରିବାକୁ ଯାଉଛି। ମାର୍କ ଜୁକରବର୍ଗ ନିଜେ ଦୁଇଟି ଆଗାମୀ Llama ମଡେଲ ବିଷୟରେ ସୂଚନା ଦେଇଛନ୍ତି।