ନୂଆଦିଲ୍ଲୀ: ଜାପାନରେ ଏକ ଆମ୍ବୁଲାନ୍ସ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇ ହଠାତ୍ ସମୁଦ୍ରରେ ମଝିରେ ଖସି ପଡ଼ିଛି। ଏହି କାରଣରୁ ସେଥିରେ ଥିବା ୬ ଜଣଙ୍କ ମଧ୍ୟରୁ ୩ ଜଣ ନିଖୋଜ ହୋଇଯାଇଛନ୍ତି। ସେମାନଙ୍କୁ ଏବେ ଖୋଜାଖୋଜି କରାଯାଉଛି । କୁହାଯାଉଛି ଯେ ଏହି ଦୁର୍ଘଟଣା ଆଜି (ରବିବାର) ଜାପାନର ଦକ୍ଷିଣ-ପଶ୍ଚିମ ଭାଗରେ ଘଟିଛି । କୁହାଯାଉଛି ଯେ,ଜଣେ ରୋଗୀଙ୍କୁ ନେଇ ଯାଉଥିବା ଏକ ମେଡିକାଲ୍ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇ ସମୁଦ୍ରରେ ଖସି ପଡ଼ିଛି । ଏଥିରେ ମୋଟ ୬ ଜଣ ଲୋକ ଥିଲେ। ସେମାନଙ୍କ ମଧ୍ୟରୁ ତିନି ଜଣ ନିଖୋଜ ହୋଇଯାଇଛନ୍ତି। ଜାପାନ ତଟରକ୍ଷୀ ବାହିନୀ ଏହି ସୂଚନା ଦେଇଛି।
ସୂଚନା ମୁତାବକ ରୋଗୀଙ୍କ ବ୍ୟତୀତ ହେଲିକପ୍ଟରରେ ଜଣେ ଡାକ୍ତର, ଜଣେ ନର୍ସ, ଜଣେ ପାଇଲଟ, ଜଣେ ହେଲିକପ୍ଟର ମେକାନିକ ଏବଂ ଜଣେ ରୋଗୀଙ୍କ ଆଟେଣ୍ଡାଣ୍ଟ ରହିଥିଲେ ।
ଦୁର୍ଘଟଣା ପରେ ଜାପାନୀ ତଟରକ୍ଷୀ ବାହିନୀ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି ୩ ଜଣଙ୍କୁ ଉଦ୍ଧାର କରିଛନ୍ତି। ତାଙ୍କୁ ତୁରନ୍ତ ଡାକ୍ତରୀ ଚିକିତ୍ସା ପାଇଁ ନିଆଯାଇଛି। ଦୁର୍ଘଟଣାର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ତଟରକ୍ଷୀ ବାହିନୀ ଏହି ଅଞ୍ଚଳରେ ଦୁଇଟି ବିମାନ ଏବଂ ତିନୋଟି ଜାହାଜ ଉଦ୍ଧାରକାର୍ଯ୍ୟରେ ନିୟୋଜିତ କରିଛି। ତଟରକ୍ଷୀ ବାହିନୀର ସୂଚନା ଅନୁଯାୟୀ, ହେଲିକପ୍ଟରଟି ନାଗାସାକିର ଏକ ବିମାନବନ୍ଦରରୁ ଫୁକୁଓକାର ଏକ ହସ୍ପିଟାଲକୁ ଯାଉଥିଲା।
