ବଣାଇ,୦୮/୦୯: ବୋଲେରୋ ଗାଡ଼ି ଭିତରୁ ଦୁଇଟି ଗାଈ ଏବଂ ଗୋଟିଏ ଷଣ୍ଢ ଉଦ୍ଧାର କଲା କୋଇଡ଼ା ବନ ବିଭାଗ । ଦୁର୍ବୃତ୍ତମାନେ ବୋଲେରୋ ଗାଡ଼ିରେ ଦୁଇଟି ଗାଈ ଏବଂ ଗୋଟିଏ ଷଣ୍ଢକୁ ଚୋରି କରି ନେଉଥିଲେ । ସୁନ୍ଦରଗଡ଼ ଜିଲ୍ଲା କୋଇଡ଼ା ଥାନା ନିକଟସ୍ଥ ଭଞ୍ଜପାଲି ଛକ ନିକଟରେ ଏଭଳି ଘଟଣା ଘଟିଛି ।

ସୂଚନା ଅନୁଯାୟୀ, କିଛି  ବୋଲେରୋ ଗାଡ଼ିର ମଝି ସିଟ୍ ଏବଂ ପଛ ସିଟ୍‌କୁ ଉଠାଇ ସେଥିରେ କୋଇଡ଼ା ବଜାରରୁ ଦୁଇଟି ଗାଈ ଏବଂ ଗୋଟିଏ ଷଣ୍ଢକୁ ଭର୍ତି କରି ଚୋରି କରି ନେଉଥିଲେ । ଭାଞ୍ଜପାଲି ଛକ ନିକଟରେ ହାତୀ ପାଇଁ ବନ ବିଭାଗ ନାଇଟ୍ ପେଟ୍ରୋଲିଂ କରୁଥିଲା । ଏହି ସମୟରେ ସନ୍ଦେହ ହେବାରୁ ଗାଡ଼ିଟିକୁ ଅଟକାଇଥିଲେ ବନ ବିଭାଗର କର୍ମଚାରୀ । ଗାଡ଼ିଟିକୁ ଅଟକାଇବାରୁ ଦୁର୍ବୃତ୍ତ ମାନେ ସେଠାରୁ ଛତ୍ରଭଙ୍ଗ ଦେଇଥିଲେ । ଘଟଣାସ୍ଥଳରେ ନିକଟସ୍ଥ ଗ୍ରାମବାସୀଙ୍କ ସହାୟତାରେ ଗାଈ ଏବଂ ଶଣ୍ଢକୁ ଉଦ୍ଧାର କରିଥିଲା ବନ ବିଭାଗ । ପରେ ଏହି ଘଟଣା ସମ୍ପର୍କରେ କୋଇଡା ପୋଲିସକୁ ଖବର ଦେଇଥିଲା ବନ ବିଭାଗ । ଖବର ପାଇ ଘଟଣାସ୍ଥଳରେ କୋଇଡ଼ା ପୋଲିସ ପହଞ୍ଚିଥିଲା । ଘଟଣାସ୍ଥଳରେ କୋଇଡ଼ା ପୋଲିସକୁ ବୋଲେରୋ ଗାଡ଼ି ହସ୍ତାନ୍ତର କରିଥିଲା କୋଇଡ଼ା ବନ ବିଭାଗ । ଏଥି ସହିତ ଘଟଣାର ତଦନ୍ତ ଆରମ୍ଭ କରି ଉକ୍ତ ଦୁର୍ବୃତ୍ତମାନଙ୍କୁ ଖୋଜୁଛି ପୋଲିସ ।