ନୂଆଦିଲ୍ଲୀ: ମହାକୁମ୍ଭ ମେଳା ଆରମ୍ଭ ହେବା ପୂର୍ବରୁ ଆଜି (ଶୁକ୍ରବାର) ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏକ ସାମୁହିକ ରୋଷେଇ'ମା କି ରସୋଇ'ର ଉଦଘାଟନ କରିଛନ୍ତି, ଯେଉଁଥିରେ ମାତ୍ର ନଅ ଟଙ୍କାରେ ଖାଦ୍ୟ ଉପଲବ୍ଧ ହେବ। ଏନେଇ ଉତ୍ତର ପ୍ରଦେଶ ସରକାର ଏକ ବିବୃତ୍ତିରେ କହିଛନ୍ତି ଯେ, ଆର୍ଥିକ ଦୁର୍ବଳ ଶ୍ରେଣୀର ଲୋକଙ୍କ ପାଇଁ ସ୍ୱରୂପ ରାଣୀ ନେହେରୁ ହସ୍ପିଟାଲରେ ନନ୍ଦୀ ସେବା ସଂସ୍ଥାନ ଦ୍ୱାରା ସାମୁହିକ ରୋଷେଇ ଘର ପରିଚାଳିତ ହେଉଛି।
ଏହି ବିବୃତ୍ତିରେ କୁହାଯାଇଛି ଯେ, ମୁଖ୍ୟମନ୍ତ୍ରୀ ହସ୍ପିଟାଲ ପରିଦର୍ଶନ କରିଛନ୍ତି, ଯେଉଁଠାରେ ସେ 'ମା କି ରସୋଇ' ଉଦଘାଟନ କରିଛନ୍ତି ଏବଂ ବ୍ୟବସ୍ଥା ସମୀକ୍ଷା କରିଛନ୍ତି ଏବଂ ଉପସ୍ଥିତ ଲୋକ ମାନଙ୍କୁ ଖାଦ୍ୟ ପରିବେଷଣ କରିଛନ୍ତି। ଆର୍ଥିକ ଦୃଷ୍ଟିରୁ ଦୁର୍ବଳ ଶ୍ରେଣୀଙ୍କୁ ସାହାଯ୍ୟ କରିବା ପାଇଁ ନନ୍ଦୀ ସେବା ସଂସ୍ଥାନ ଏହି ପ୍ରୟାସ ଆରମ୍ଭ କରିଛି। ଏଠାରେ ଲୋକ ମାନେ ମାତ୍ର ୯ ଟଙ୍କାରେ ଖାଦ୍ୟ ପାଇ ପାରିବେ। ଖାଦ୍ୟରେ ଭାତ, ଡାଲି, ଚାରୋଟି ରୋଟି, ପନିପରିବା ତରକାରୀ, ସାଲାଡ ଏବଂ ମିଠା ଅନ୍ତର୍ଭୁକ୍ତ ହେବ।
ରାଜ୍ୟ ସରକାରଙ୍କ ଏହି ପଦକ୍ଷେପକୁ ସମସ୍ତେ ପ୍ରଶଂସା କରିଛନ୍ତି। ଆର୍ଥିକ ଦୃଷ୍ଟିରୁ ଦୁର୍ବଳ ଶ୍ରେଣୀର ଲୋକ ମାନେ ସାମୁହିକ ରୋଷେଇ ଘରେ ମାତ୍ର ୯ ଟଙ୍କାରେ ଖାଦ୍ୟ ପାଇ ଆଶ୍ୱସ୍ତି ପାଇବେ । ଏହା ସହିତ, ଲୋକ ମାନଙ୍କୁ ଖାଦ୍ୟ ପାଇଁ ଚିନ୍ତା କରିବାକୁ ପଡ଼ିବ ନାହିଁ।
