ଲକ୍ଷ୍ନୌ, ୩।୭: ଉତ୍ତରପ୍ରଦେଶର ଏକ ସତସଙ୍ଗ ସଭାରେ ହୋଇଥିବା ଦଳାଚକଟା ସ୍ଥିତିର ଅନୁଧ୍ୟାନ କରିବା ପାଇଁ ହାଥରସରେ ପହଞ୍ଚିଛନ୍ତି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ଘଟଣାସ୍ଥଳକୁ ଯିବା ସହ ଘଟଣାରେ ଆହତ ଲୋକଙ୍କୁ ହାଥରସ୍ ଜିଲ୍ଲା ଡାକ୍ତରଖାନାରେ ଭେଟିବେ । ହାଥରସ୍ ପୁଲିସ ଲାଇନ୍ରେ ତାଙ୍କ ହେଲିକପ୍ଟର ଲ୍ୟାଣ୍ଡ କରିଛି । ପ୍ରମୁଖ ସଚିବ ମନୋଜ କୁମାର, ଜିପି ପ୍ରଶାନ୍ତ କୁମାର ଓ ପ୍ରଦେଶ ସରକାରର ଅନେକ ମନ୍ତ୍ରୀ ଗତ ମଙ୍ଗଳବାର ରାତିରୁ ହାଥରସ୍ରେ ଉପସ୍ଥିତ ରହି ସ୍ଥିତ ଅନୁଧ୍ୟାନ କରୁଛନ୍ତି ।
ମଙ୍ଗଳବାର ଯୋଗୀ ମୃତକଙ୍କ ପରିବାରଙ୍କୁ ୨ ଲକ୍ଷ ଲେଖାଏଁ ଅନୁକମ୍ପା ରାଶି ପ୍ରଦାନ କରିଥିବା ବେଳେ ଆହତଙ୍କୁ ୫୦ ହଜାର ଲେଖାଏଁ ସହାୟତା ରାଶି ଦେବାକୁ ଘୋଷଣା କରିଛନ୍ତି । ସେଠାକାର ଅଧିକାରୀଙ୍କ ସହ ମଧ୍ୟ ଏ ସଂପର୍କରେ ଆଲୋଚନା କରିବେ ଯୋଗୀ ଆଦିତ୍ୟନାଥ । ଘଟଣାସ୍ଥଳରେ ଫରେନସିକ ଓ ଡଗ୍ ସ୍କ୍ୱାର୍ଡକୁ ମଧ୍ୟ ଲଗାଯାଇଛି । ତା’ ସହ ପୁଲିସକୁ ମଧ୍ୟ ମୁତୟନ କରାଯାଇଛି । ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରି ଦିଆଯାଇଛି । ପ୍ରକାଶଥାଉ ଯେ, ହାଥରସ୍ ଦଳାଚକଟାରେ ପ୍ରାୟ ୧୨୨ ଜଣଙ୍କୁ ମୃତ୍ୟୁ ହୋଇଛି ।