ଭାପୁର,୨୧।୭ : ଫତେଗଡ ଥାନା ଅନ୍ତର୍ଗତ ବିଜିପୁର ପଞ୍ଚାୟତ ସୁନାଖଳା ଗ୍ରାମର ଜଣେ ଦଶମ ଶ୍ରେଣୀର ଛାତ୍ରୀ ଟିକିଟକ୍ ଭିଡିଓ ପାଇଁ ବିଷ ପିଇ ଆତ୍ମହତ୍ୟା କରିଥିବା ସୂଚନା ମିଳିଛି । ଘଟଣାରୁ ପ୍ରକାଶ ଯେ, ଆଜିକାଲି ସ୍ମାର୍ଟ ଯୁଗରେ ସମସ୍ତେ ମୋବାଇଲ ବ୍ୟବହାର କରୁଛନ୍ତି। ଏହି ମୋବାଇଲ ଯୋଗୁ ଜଣେ ଛାତ୍ରୀର ଜୀବନ ଚାଲି ଯାଇଛି। ସୁନାଖଳା ଗ୍ରାମର ଅନନ୍ତ ଚରଣ ମଲ୍ଲିକ ଝିଅ ଗାୟତ୍ରୀ ମଲ୍ଲିକ (୧୪) ଦଶମ ଶ୍ରେଣୀର ଛାତ୍ରୀ ଅଟନ୍ତି । ସେ ଘରେ ମୋବାଇଲରେ ଟିକଟକ୍ ଭିଡିଓ ସୁଟି° କରୁଥିବା ବେଳେ ବାପା ଏହାକୁ ବାରଣ କରି ପାଠ ପଢିବା ପାଇ ତାଗିଦ୍ କରିଥିଲେ । ଏହାକୁ ନେଇ ଝିଅ ଗାୟତ୍ରୀ ଆଜି ସକାଳ ସମୟରେ ବିଷପିଇ ଦେଇଥିଲେ । ପରିବାର ଲୋକେ ଚିକିତ୍ସା ପାଇ ଭାପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ‌ । ଅବସ୍ଥା ସଙ୍କଟାପନ୍ନ ହେବାରୁ ଖୋର୍ଦ୍ଧା ମେଡିକାଲକୁ ଡାକ୍ତର ସ୍ଥାନାସ୍ଥରିତ କରିଥିଲେ । ସେଠାରେ ଚିକିତ୍ସା ସମୟରେ ଛାତ୍ରୀଙ୍କର ମୃତ୍ୟୁ ଘଟିଥିଲା । ଖୋର୍ଦ୍ଧା ପୋଲିସ ପହଞ୍ଚି ଶବ ଜବତ କରିବା ସହିତ ଆସନ୍ତାକାଲି ଶବ ବ୍ୟବଛେଦ ହେବ ବୋଲି ପରିବାରଙ୍କ ଠାରୁ ସୂଚନା ମିଳିଛି । ଏହାକୁ ନେଇ ସୁନାଖଳା ଗ୍ରାମରେ ଶୋକାକୂଳ ପରିବେଷ ସୃଷ୍ଟି ହୋଇଛି ।