କେନ୍ଦୁଝର ସଦର, ୨୧/୯ : ଓଡ଼ିଶାର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ତିନି ଦିନିଆ କେନ୍ଦୁଝର ଗସ୍ତରେ ଆସି ଗତକାଲି ନିଜ ଜନ୍ମ ଭୂମୀ କେନ୍ଦୁଝରରେ ପହଞ୍ଚିଛନ୍ତି । ଆଜି ସକାଳୁ ପୂର୍ବ ପରି କେନ୍ଦୁଝର ଷ୍ଟାଡିୟମରେ ମର୍ଣ୍ଣିଂ ଓ୍ବାର୍କ କରି ସାରିବା ପରେ ନିଜ କାରକେଟ ସହ ସିଧା ପହଞ୍ଚିଥିଲେ ଟିକି ଚା ଷ୍ଟଲ ନିକଟରେ । ଟିକି ଚା ଖଟି ଓ ଗ୍ରୁପ କେନ୍ଦୁଝରର ସଦସ୍ୟମାନେ ମୁଖ୍ୟମନ୍ତ୍ରୀଙ୍କୁ ଭବ୍ୟ ସ୍ୱାଗତ କରିବା ପରେ ଚାପେ ଚର୍ଚ୍ଚାରେ କେନ୍ଦୁଝରରେ କିପରି ଆହୁରି ବିକାଶ ହୋଇପାରିବ, ମେଗାଷ୍ଟିଲ ପ୍ଲାଣ୍ଟ, ରେଳବାଇ, ପର୍ଯ୍ୟଟନ, ନରଣପୁର ଓ ଆସନପଟରେ ଯୁକ୍ତ ଦୁଇ ବିଦ୍ୟାଳୟ କାର୍ଯ୍ୟ କ୍ଷମ, ସହର ଉପକଣ୍ଠ ପଦ୍ମପୁର ଅଂଚଳରେ ଆଉ ଏକ କେନ୍ଦ୍ରୀୟ ବିଦ୍ୟାଳୟର ସ୍ଥାପନ ବିଷୟରେ ଆଲୋଚନା ଆରମ୍ଭ ହୋଇଥିଲା। 

ଚା ପିଇବା ଅବସରରେ ମୁଖ୍ୟମନ୍ତ୍ରୀ ପୂର୍ବର ସ୍ମୃତି ଚାରଣ କରିଥିଲେ। ଏହାପରେ  ଚା’ଦୋକାନୀ ଟିକି ଭାଇ, ଯୁବ ଓ ଶ୍ରମ ବିକାଶ ମଞ୍ଚର ସଭାପତି ରଞ୍ଜନ ବେହେରା, ଉପ ସଭାପତି ସୁରେଶ ଚନ୍ଦ୍ର ପଲେଇ, ରଞ୍ଜନ ମହାନ୍ତ, ଉପଦେଷ୍ଟା ନବୀନ ପଲେଇ, ସଭ୍ୟ ସୁରଥ ମହାନ୍ତ ଚା ଖଟିର ଅନ୍ୟ ସଦସ୍ୟ ପବିତ୍ର ଭାଇ, ସତ୍ୟନାରାୟଣ ସାହୁଙ୍କ ସହ ବ୍ୟକ୍ତିଗତ ଭାବ ବିନିମୟ ପରେ ପୁଣି କେନ୍ଦୁଝର ଗ୍ରସ୍ତ ସମୟରେ ଭେଟ ହେବ କହି ସମସ୍ତଙ୍କୁ ଧନ୍ୟବାଦ ଜଣାଇ ସର୍କିଟ ହାଉସ ଅଭିମୁଖେ ଯାତ୍ରା କରିଥିଲେ ।