କୋରାପୁଟ,୧୯/୦୭: ରାସ୍ତା ଉପରେ ଓଲଟିଲା ସିମେଣ୍ଟ ବୋଝେଇ ଟ୍ରକ୍ । କୋରାପୁଟ-ବିଶାଖାପାଟଣା ୨୬ନଂ ଜାତୀୟ ରାଜପଥରେ ଘଟିଛି ଏହି ଦୁର୍ଘଟଣା । ଯାହାଫଳରେ ଯାନବାହାନ ଚଳାଚଳ ଠପ୍ ହୋଇଯାଇଛି। ସ୍ଥାନୀୟ ଲୋକେ ଅସୁବିଧାର ସମ୍ମଖୀନ ହେଉଛନ୍ତି।
ସୂଚନା ଅନୁଯାୟୀ, କୋରାପୁଟ ବ୍ଳକ ଡୁମୁରିପୁଟ ଗାଁ ନିକଟସ୍ଥ ଜାତୀୟ ରାଜପଥରେ ଏକ ସିମେଣ୍ଟ ବୋଝେଇ ଟ୍ରକ୍ ଓଲଟିପଡିଛି । ଖବର ପାଇ କୋରାପୁଟ ଓ ସୁନାବେଡା ପୋଲିସ ଘଟଣା ସ୍ଥଳରେ ପହଞ୍ଚିଛି । ଅନ୍ୟପଟେ ରାସ୍ତା ଉପରେ ଗାଡି ଓଲଟିଥିବାରୁ ଜାତୀୟ ରାଜପଥରେ ଜାତାୟତ ବାଧାପ୍ରାପ୍ତ ହୋଇଛି । ଶତାଧିକ ଛୋଟ ବଡ଼ ଗାଡ଼ି ରାସ୍ତାର ଉଭୟ ପାର୍ଶ୍ଵରେ ଅଟକି ରହିଛି । ଜାତୀୟ ରାଜପଥ ସ୍ଵାଭାବିକ କରିବାକୁ ଚେଷ୍ଟା କରୁଛି ପୋଲିସ।