ଭୁବନେଶ୍ବର, ୨୩।୯ : ରାଜ୍ୟର ସବୁ ନୂଆ ଥାନାରେ ଲାଗିବ ସିସିଟିଭି  । ୫୭ ଟି ନୁଆ ଥାନାରେ ଲାଗିବ ସିସିଟିଭି । ଅକ୍ଟୋବର ୮ ସୁଦ୍ଧା ଏହା ଶେଷ ହେବ ବୋଲି ପୋଲିସ ମହାନିର୍ଦେଶକ ଓ୍ବାଇ ବି ଖୁରାନିଆ ସୂଚନା ଦେଇଛନ୍ତି।  ଏନେଇ ଓକାକକୁ ନିର୍ଦେଶ ଦେଇଛନ୍ତି ପୋଲିସ ମହାନିର୍ଦେଶକ । ସେହିପରି  ୨୯ ଟି ଥାନାରେ ପରିବର୍ତ୍ତନ ହେବ ସିସିଟିଭି ।  

ସୂଚନାଯୋଗ୍ୟ ଯେ ଭରତପୁର ଥାନା ଘଟଣାରେ ତଦନ୍ତ ବେଳେ ଥାନାରେ ସିସିଟିଭି ନ ଥିବା ଜଣାପଡିଥିଲା। ଭରତପୁର ଥାନା ନୂଆ ମଡେଲ ଥାନାରେ ପରିଣତ ହୋଇଥିଲେ ମଧ୍ୟ ଏଠାରେ ସିସିଟିଭି ଲଗା ଯାଇ   ନ ଥିଲା। ଥାନା ରେ ସିସିଟିଭି କ୍ୟାମେରା ନଥିବା କୁ ନେଇ ଚର୍ଚ୍ଚା ଜୋର ଧରିଥିଲା । ଘଟଣା ପରେ ପୋଲିସ ଚେତିଥିଲା।  ଭରତପୁର ଥାନାରେ ସିସିଟିଭି ଲଗାଇବା ପାଇଁ ପ୍ରକ୍ରିୟା ଆରମ୍ଭ କରାଯାଇଛି। ଭରତପୁର ଥାନା ରେ ଲାଗିବ ୨୫ଟି ସିସିଟିଭି । ସେହିପରି ଭୁବନେଶ୍ବରର ସମସ୍ତ ଥାନାର ବାହାର ଏବଂ ଭିତରେ  ସିସିଟିଭି ଲାଗିବ ବୋଲି ଜଣାପଡିଛି।