ବଲାଙ୍ଗୀର ୧୬/୦୭: ୫୭ ନମ୍ବର ଜାତୀୟ ରାଜପଥରେ ମର୍ମନ୍ତୁଦ ସଡକ ଦୁର୍ଘଟଣା। ଦ୍ରୁତଗତି ଆସି ହାଇୱା ଟ୍ରକକୁ ପିଟିଲା ଦିଲଖୁସ ନାମକ ଯାତ୍ରୀବାହୀ ବସ। ଦୁର୍ଘଟଣାରେ ବସର ସମ୍ମୁଖଭାଗ ଭାଙ୍ଗି ଚୁର୍‌ମାର୍ ହୋଇଯାଇଛି। ତେବେ ଏତେ ବଡ ଦୁର୍ଘଟଣାରୁ ଯାତ୍ରାମାନେ ଅଳ୍ପକେ ବର୍ତ୍ତିଯାଇଛନ୍ତି। କିଛି ଯାତ୍ରୀ ସାମାନ୍ୟ ଆହତ ହୋଇଥିବା କିଛି ଗୁରୁତର ଥିବା ସୂଚନା ମିଳିଛି। ସମସ୍ତ ଯାତ୍ରୀଙ୍କୁ ଉଦ୍ଧାର କରାଯାଇଥିବା ବେଳେ ଆହତ ଯାତ୍ରୀ ନିକଟସ୍ଥ ଡାକ୍ତରଖାନରେ ଭର୍ତ୍ତି କରାଯାଇଛି।

ସୂଚନା ମୁତାବିକ, ସୋମବାର ରାତିରେ ଦିଲ୍‌ଖୁସ ନାମ ଯାତ୍ରୀବାହୀ ବସ ଭୁବନେଶ୍ୱରରୁ ମାଲକାନଗିରି ଯାଉଥିଲା।  ବସ୍‌ଟି ଦ୍ରୁତଗତିରେ ଥିବାରୁ ବଲାଙ୍ଗୀରରେ ନିକଟରେ ରାସ୍ତାକଡ଼ରେ ଛିଡା ହୋଇଥିବା ହାଇୱା ଟ୍ରକକ ହଠାତ୍ ଧକ୍କା ଦେଇଥିଲା।  ସଇଁନ୍ତଳା ରାଇସମିଲ ସମ୍ମୁଖରେ ଦୁର୍ଘଟଣା ଘଟିଛି। ଘଟଣାସ୍ଥଳରେ ପୋଲିସ ଏବଂ ଅଗ୍ନିଶମ ବାହିନୀ ପହଞ୍ଚି ସମସ୍ତ ଯାତ୍ରୀଙ୍କୁ ଉଦ୍ଧାର କରି ଭୀମଭୋଇ ମେଡିକାଲକୁ ଚିକିତ୍ସା ପାଇଁ ପଠାଇଥିବା ଜଣାପଡିଛି।