କଟକ,୧୧/୦୧: ସୁଭଦ୍ରାପୁର ଅଞ୍ଚଳରେ ବୋମାମାଡ଼ । ବାଉଁଶ ବ୍ୟବସାୟୀ ଅଜୟ ସାହୁଙ୍କ ଘରକୁ ବୋମା ମାଡ଼ କଲେ ଦୁର୍ବୃତ୍ତ ।ବୋମାମାଡ଼ରେ କାହାର କିଛି କ୍ଷତି ହୋଇନଥିବା ବେଳେ ପୂର୍ବ ଶତୃତାକୁ ନେଇ ଆକ୍ରମଣ କରାଯାଇଥିବା ସନ୍ଦେହ କରାଯାଉଛି । କଟକ ସଦର ଥାନା ସୁଭଦ୍ରାପୁର ଅଞ୍ଚଳରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, ସୁଭଦ୍ରାପୁର ଅଞ୍ଚଳର ବାଉଁଶ ବ୍ୟବସାୟୀ ଅଜୟ ସାହୁଙ୍କ ଘରକୁ କିଛି ଦୁର୍ବୃତ୍ତ ଶୁକ୍ରବାର ବିଳମ୍ୱିତ ରାତିରେ ବୋମାମାଡ଼ କରିଥିଲେ । ବୋମା ଫୁଟିବା ଶବ୍ଦ ଶୁଣି ଅଜୟ ସାହୁ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ପୋଲିସ ଏବଂ ଜୋନ୍-୪ ଏସପି ପହଞ୍ଚି ଚଦନ୍ତ ଚଳାଇଛନ୍ତି । ତେବେ ଏହି ବୋମାମାଡ଼ ପୂର୍ବ ଶତୃତାକୁ ନେଇ କରାଯାଇଥିବା ସନ୍ଦେହ କରାଯାଉଛି ।
