ଭୁବନେଶ୍ବର,୬।୧ : କଟକ ସିଦ୍ଧେଶ୍ୱର ସାହିରେ କନଷ୍ଟେବଳ ପତ୍ନୀଙ୍କୁ ହତ୍ୟା କରିବା ଘଟଣାରେ ଅଭିଯୁକ୍ତ ସ୍ୱାମୀକୁ ଗିରଫ କରି କୋର୍ଟ ଚାଲାଣ କରିଛି ଲାଲବାଗ ଥାନା ପୋଲିସ। ମୃତ ପୋଲିସ କନଷ୍ଟେବଳ ବିଷ୍ଣୁପ୍ରିୟା ମଲ୍ଲିକଙ୍କ ସ୍ବାମୀ ବିଶ୍ୱଜିତ ମଲ୍ଲିକ ।
ଗତ ଡିସେମ୍ବର ୨୫ ତାରିଖରେ ଲାଲବାଗ ଥାନା ଅନ୍ତର୍ଗତ ସିଦ୍ଧେଶ୍ୱର ସାହିରେ କନଷ୍ଟେବଳ ବିଷ୍ଣୁପ୍ରିୟା ମଲ୍ଲିକଙ୍କ ବେକ କାଟି ହତ୍ୟା କରିବା ପରେ ନିଜ ବେକ କାଟିଥିଲା ବିଶ୍ୱଜିତ୍। ଗୁରୁତର ଅବସ୍ଥାରେ ତାକୁ ଏସସିବି ମେଡିକାଲରେ ଭର୍ତ୍ତି କରାଯାଇଥିଲା। ତେବେ ସେ ସୁସ୍ଥ ହେବା ପରେ ତାକୁ ପୋଲିସ ଆଜି ଗିରଫ କରିଛି। ଅଭିଯୁକ୍ତ ବିଶ୍ବଜିତ ବିରୋଧରେ ହତ୍ୟା ମାମଲା ରୁଜୁ କରିଥିଲା ପୋଲିସ।
