ନରସିଂହପୁର ୧୯/୦୮: ଧାନ ତଳି ରୋଇବା ଯାଉଥିବା ବେଳେ କାଦୁଅରେ ପଶିଗଲା ବାଇକ୍। ଫଳ ଭାରସାମ୍ୟ ହରାଇ ତଳକୁ ଖସିପଡ଼ିଲେ ଚାଷୀ। ଦୁର୍ଘଟଣାରେ ଚାଷୀ ଜଣକ ଗୁରୁତର ହୋଇଥିଲେ। ତାଙ୍କୁ ଉଦ୍ଧାର କରାଯାଇ ବଡମ୍ବା ଡାକ୍ତରଖାନରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଏନେଇ ପୁଲିସ ସୂଚନା ଦେଇଥିବା ବେଳେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି।
ସୂଚନା ଅନୁଯାୟୀ, ଆଜି ସକାଳେ ନରସିଂହପୁର ବ୍ଲକ ଅନ୍ତର୍ଗତ ବାଲିଝରୀ ପଞ୍ଚାୟତ ଶ୍ୟାମାସୁନ୍ଦରପୁର ଗ୍ରାମର ରଶ୍ମି ରଞ୍ଜନ ନାୟକ ଓରଫ ବାପୁନା ବାଇକ୍ରେ ଜମିକୁ ଯାଉଥିଲେ। ହେଲେ କାଦୁଅ ରାସ୍ତାରେ ତାଙ୍କ ବାଇକ୍ ଫସିଯାଇଥିଲା। ବାପୁନ ବାଇକ୍ ଉପରୁ ନିୟନ୍ତ୍ରଣ ହରାଇ ତଳେ ପଡିଯାଇଥିଲେ। ଯେଉଁଥିରେ ସେ ଗୁରୁତର ହୋଇପଡିଥିଲେ। ତାଙ୍କୁ ସ୍ଥାନୀୟଲୋକ ତୁରନ୍ତ ଉଦ୍ଧାର କରି ବଡମ୍ବା ଡାକ୍ତରଖାନାକୁ ଚିକିତ୍ସା ପାଇଁ ନେଇଥିଲେ। ହେଲେ ସେଠାରେ ବାପୁନଙ୍କ ମୃତ ହୋଇଥିବା ଡାକ୍ତର ଘୋଷଣା କରିଥିଲେ।
