ଫୁଲବାଣୀ,୯/୬: ସଦର ଥାନା ଅନ୍ତର୍ଗତ ତୁଡିପାଜୁ ପଞ୍ଚାୟତର ପୁତୁଡି ଛକ ଠାରେ ଦୁଇ ବାଇକ ମୁହାଁମୁହିଁ ହେବା ଫଳରେ ଜଣଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇଛନ୍ତି। ମୃତକ ଜଣକ ନୟାଗଡ଼ ଜିଲ୍ଲା କଇଥଗଡର ବାପି ପାତ୍ର(୩୦) ବୋଲି ଜଣା ପଡିଥିବା ବେଳେ ଗୁରୁତର ଜଣକ ସେହି ଅଞ୍ଚଳର କିଶୋର ଜେନା।
ସୂଚନା ଅନୁଯାୟୀ, ସୋମବାର ସନ୍ଧ୍ୟାରେ ଉଭୟେ ଏକ ବାଇକ ଯୋଗେ ଫୁଲବାଣୀରୁ କଟ୍ରିଙ୍ଗିଆ ଆଡକୁ ଯାଉଥିବା ବେଳେ ପୁତୁଡି ଛକ ନିକଟରେ ବିପରୀତ ଦିଗରୁ ଆସୁଥିବା ଅନ୍ୟ ଏକ ବାଇକ ସହ ମୁହାଁମୁହିଁ ଧକ୍କା ହୋଇଥିଲା। ଉଭୟଙ୍କୁ ଗୁରୁତର ଅବସ୍ଥାରେ ଫୁଲବାଣୀ ଜିଲ୍ଲା ମୂଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ତେବେ ସେଠାରେ ଡାକ୍ତର ବାପିଙ୍କୁ ମୃତ ଘୋଷଣା କରିଥିଲେ। ଗୁରୁତର କିଶୋର ଏବେ ଚିକିତ୍ସାଧୀନ ଅଛନ୍ତି। ଦୁର୍ଘଟଣା ଘଟାଇ ଥିବା ଦୁଇ ବାଇକ ଆରୋହୀ ଘଟଣା ସ୍ଥଳରୁ ଫେରାର ହୋଇ ଯାଇଛନ୍ତି। ସଦର ଥାନା ସବ ଇନ୍ସପେକ୍ଟର ସମ୍ବିତ ବେହେରା ଘଟଣା ସ୍ଥଳରେ ପହଞ୍ଚି ତଦନ୍ତ ଜାରୀ ରଖିଛନ୍ତି।
