ଭୁବନେଶ୍ୱର,୨୮/୦୬: ଘରୋଇକରଣ ମୁହାଁ ହେଉଛି  ଭୁବନେଶ୍ୱର ବିଜୁ ପଟ୍ଟନାୟକ  ଆନ୍ତର୍ଜାତୀୟ ବିମାନବନ୍ଦର ।  ଭୁବନେଶ୍ୱର ସମେତ ଦେଶର ଅନ୍ୟ ୧୧ଟି ବିମାନବନ୍ଦରର ଘରୋଇକରଣ ପାଇଁ ଖୁବ୍‌ଶୀଘ୍ର କେନ୍ଦ୍ର କ୍ୟାବିନେଟ୍‌ରେ ନିଷ୍ପତ୍ତି ନିଆଯିବ । ନିର୍ବାଚନ ପୂର୍ବରୁ  କେନ୍ଦ୍ର ସରକାର ଏନେଇ ନିଷ୍ପତ୍ତି ନେଇଥିଲେ । ପିପିପି ମୋଡରେ କିଛି ବିମାନବନ୍ଦର ପରିଚାଳନା ଘରୋଇ ସଂସ୍ଥା ହାତକୁ ଟେକାଯିବ ।  

ଭୁବନେଶ୍ୱର ସମେତ ଇନ୍ଦୋର,  ବାରଣାସୀ, ଅମ୍ରିତସର, ରାୟପୁର ଓ  ତ୍ରିଚି ଭଳି ୬ଟି ବିମାନବନ୍ଦରକୁ ଚୟନ  କରାଯାଇଛି । ଏସବୁ ଦେଶର ଶ୍ରେଷ୍ଠ  ୨୦ ଲାଭଦାୟକ ବିମାନବନ୍ଦର ଭିତରେ ଅଛି । ଏହାସହ କ୍ଷତି ସହୁଥିବା  ଉତ୍ତରପ୍ରଦେଶର ଖୁସିନଗର, ବିହାରର  ଗୟା, କର୍ଣ୍ଣାଟକର ହୁକ୍ରାଲି, ମହାରାଷ୍ଟ୍ରର  ଔରଙ୍ଗାବାଦ, ମଧ୍ୟପ୍ରଦେଶର  ଜବଲପୁର, ଆନ୍ଧ୍ରପ୍ରଦେଶର  ତିରୁପତି, ହିମାଚଳପ୍ରଦେଶର କଙ୍ଗରା ବିମାନବନ୍ଦର ମଧ୍ୟ ଘରୋଇକରଣ  ହୋଇପାରେ । 

ବିମାନବନ୍ଦର ନିର୍ଦ୍ଦେଶକ  ପ୍ରସନ୍ନ ପ୍ରଧାନ କହିଛନ୍ତି, ଏନେଇ  କୌଣସି ନିର୍ଦ୍ଦେଶ ହୋଇନାହିଁ । କେନ୍ଦ୍ର  ସରକାରଙ୍କ କ୍ୟାବିନେଟର ମୋହର ବାଜିବା ପରେ ହିଁ ଘରୋଇକରଣ  ପକ୍ରିୟା ଆରମ୍ଭ ହେବ । ଆଶା କରାଯାଉଛି, ଘରୋଇକରଣ  ପରେ ଅଳ୍ପ କିଛି ମାତ୍ରାରେ ବିମାନ  ଯାତ୍ରାର ଦେୟ ବଢ଼ିପାରେ । କିନ୍ତୁ  ଏହା ବଦଳରେ ଯାତ୍ରୀଙ୍କୁ ନାନା  ସୁବିଧା ମିଳିପାରେ । ଏହାସହ  କର୍ମଚାରୀଙ୍କ ସଂଖ୍ୟା ବଢ଼ିପାରେ ।  

ସୂଚନା ଥାଉ କି, ଅହମ୍ମଦବାଦ,  ଲକ୍ଷେ୍ମø, ମାଙ୍ଗାଲୋର, ଜୟପୁର,  ଗୌହାଟୀ, ତିରୁଅନନ୍ତପୁରମ୍‌ ଭଳି  ୬ଟି ବିମାନବନ୍ଦରର ଘରୋଇକରଣ  ସରିଛି । ଆଦାନୀ ଗ୍ରୁପ୍‌ ଏହି ୬ଟି  ବିମାନବନ୍ଦର ପରିଚାଳନା କରୁଛି ।