ଭୁବନ,୨୦/୦୭: ଅନଲାଇନ ସପିଙ୍ଗ ସଂସ୍ଥା ମିନ୍ତ୍ରା ଆପ୍ରୁ ଠକାମିର ଶିକାର ହେଲେ ଆଇନଜିବୀଙ୍କ ପତ୍ନୀ । ୨୦ହଜାର ଟଙ୍କାର ବ୍ରାଣ୍ଡେଡ୍ ଘଣ଼୍ଟା ବଦଳରେ ମିଳିଲା ସାବୁନ । ଲିଗାଲ୍ ନୋଟିସ ପଠାଇଲେ ଆଇନଜିବୀ।
ସୂଚନା ଅନୁଯାୟୀ, ଆଶୁତୋଶ ମିଶ୍ର ଭୁବନ ବ୍ଲକର ଗବଗୋଡା ଗ୍ରାମର ହାଇକୋର୍ଟର ଆଇନଜିବୀ । ତାଙ୍କ ପତ୍ନୀ ଶ୍ୱାତି ସୁଚରିତା ମିଶ୍ର ତାଙ୍କୁ ବିବାହ ବାର୍ଷିକର ଉପହାର ଦେବାପାଇଁ ମନସ୍ଥ କରିଥିଲେ । ସେଥିପାଇଁ ସେ ଜୁନ୍ ୧୫ ତାରିଖରେ ମିନ୍ତ୍ରା ଆପ୍ରୁ ୨୦ ହଜାର ଟଙ୍କାର ଫସିଲ୍ ବ୍ରାଣ୍ଡ୍ର ହାତଘଣ୍ଟା ଅର୍ଡର କରିଥିଲେ । ଏହାର ପେମେଣ୍ଟ ମଧ୍ୟ କରିଥିଲେ । କିନ୍ତୁ ପ୍ୟାକେଟ୍ରୁ ଘଣ୍ଟା ବଦଳରେ ବାହାରିଲା ସାବୁନ। ଫଳରେ ମିନ୍ତ୍ରା ଆପ୍ର କଷ୍ଟମର କେୟାରକୁ ବାରମ୍ବାର କଲ୍ କରିଥିଲେ ଦମ୍ପତ୍ତି । ହେଲେ ଏହି ସଂସ୍ଥା ବାରମ୍ବାର ଆଜିକାଲି ଠକି ଚାଲିଥିବା ଦେଖିବାକୁ ମିଳିଛି । ତେବେ ଆସୁତୋଷ ମିଶ୍ର ଏନେଇ ମିନ୍ତ୍ରାକୁ ଏକ ଲିଗାଲ ନୋଟିସ ପଠାଇଛନ୍ତି। ଏଥି ସହିତ ଡେଲିଭରୀ ସମୟରେ ଡେଲିଭରୀ ବୟ ସମ୍ମୁଖରେ ପ୍ୟାକେଟ ଖୋଲି ଜାଞ୍ଚ କରିବାକୁ ଗ୍ରାହକଙ୍କୁ ଅନୁରୋଧ କରିଛନ୍ତି ।