ନୂଆଦିଲ୍ଲୀ, ୯/୪ : ଅଷ୍ଟ୍ରେଲିଆର ଟେଷ୍ଟ ଓପନର ବ୍ୟାଟର ଓ୍ବିଲ ପୁକୋବସ୍କୀ ୨୭ବର୍ଷରେ କ୍ରିକେଟର ସବୁ ଫର୍ମାଟରୁ ସନ୍ନ୍ୟାସ ଘୋଷଣା କରିଛନ୍ତି । ପୁକୋବସ୍କୀଙ୍କୁ ବିଶେଷଜ୍ଞଙ୍କ ଏକ ପ୍ୟାନେଲର ସୁପାରିଶ ପରେ କ୍ରିକେଟରୁ ସନ୍ନ୍ୟାସ ନେବା ଲାଗି ବାଧ୍ୟ ହେବାକୁ ପଡ଼ିଲା । ପ୍ରକାଶ ଯେ, ବ୍ୟାଟରଙ୍କୁ ନିଜ କ୍ୟାରିୟର ସମୟରେ କେତେକ ଏଭଳି ଘଟଣାର ସାମ୍ନା କରିବାକୁ ପଡ଼ିଲା ଯେଉଁଥିରେ ତାଙ୍କ ମୁଣ୍ଡରେ ଆଘାତ ଲାଗିଲା ଯାହା ପରେ ବିଶେଷଜ୍ଞ ତାଙ୍କୁ କ୍ରିକେଟରୁ ଦୂରେଇ ରହିବାକୁ ପରାମର୍ଶ ଦେଇଥିଲେ । ବିଶେଷଜ୍ଞଙ୍କ ପରାମର୍ଶ ମାନି ଅଷ୍ଟ୍ରେଲିଆ ଓପନର କ୍ରିକେଟରୁ ନିଜକୁ ଅଲଗା କରିବାକୁ ନିଷ୍ପତ୍ତି ନେଲେ ।
ମାର୍ଚ୍ଚ ୨୦୨୪ରେ ଶେଫିଲ୍ଡ ଶିଲ୍ଡ ମ୍ୟାଚ୍ ସମୟରେ ହେଲମେଟରେ ବଲ୍ ବାଜିବା ଫଳରେ ଫୁକୋବସ୍କୀଙ୍କୁ ଆଘାତ ଲାଗି ରିଟାୟର ହେବାକୁ ପଡ଼ିଥିଲା । ଏହି କାରଣରୁ ସେ ଆଗକୁ ମ୍ୟାଚରୁ ବାହାରିଯାଇଥିଲେ ଏବଂ ତାଙ୍କୁ ୨୦୨୪ର ଇଂଲିଶ ସମର ଲାଗି ଲିସେଷ୍ଟରଶାୟର ସହ ନିଜର ସମ୍ପର୍କ ପୁଣି ଭାଙ୍ଗିବାକୁ ପଡ଼ିଥିଲା । ଅଷ୍ଟ୍ରେଲିଆ ଲାଗି ଗୋଟିଏ ଟେଷ୍ଟ ଖେଳିଥିବା ଖେଳାଳୀ ମଙ୍ଗଳବାର ଗଣମାଧ୍ୟମକୁ ନିଜର ନିଷ୍ପତ୍ତି ଖୁଲାସା କରିଛନ୍ତି ।
