ପଟ୍ଟାମୁଣ୍ଡାଇ,୧୨।୧ ଗହୀରମଥାରେ ଫୁଟିଲା ଗୁଳି l ବନବିଭାଗ ପାଟ୍ରୋଲିଂ ଟିମ୍ ଉପରକୁ ମାଛ ମାଫିଆଙ୍କ ଆକ୍ରମଣ । ବେଆଇନ୍ ମାଛ ମାରୁଥିବା ବେଳେ ବନବିଭାଗ ହାତରେ ଧରାପଡିଥିବା ୮ ଜଣଙ୍କୁ ଗୁଳି ଫୁଟାଇ ଜୋରଜବରଦସ୍ତ ଛଡ଼ାଇ ନେଲେ ମାଫିଆ।
ବାବୁବାଲି ସମୁଦ୍ର କୂଳରୁ ୫ କିମି ଭିତରେ ଟ୍ରଲର ରେ ମାଛ ମାଫିଆ ବେଆଇନ ମାଛ ମାରୁଥିଲେ। ଖବର ପାଇ ବନ ବିଭାଗ କର୍ମଚାରୀ ଚଢ଼ାଉ କରି ୯ ଜଣଙ୍କୁ ଧରିବା ସହ ୩ଟି ଟ୍ରଲର ଜବତ କରିଥିଲେ। ଅନ୍ୟ ମାଛ ମାଫିଆ ମାନେ ଭିଏଚଏଫ ମାଧ୍ୟମରେ ଖବର ପାଇ ଏକାଠି ହୋଇ ବନ କର୍ମଚାରୀଙ୍କ ଉପରକୁ ଆକ୍ରମଣ କରିଥିଲେ। ସମୁଦ୍ର ମଝିରେ ଗୁଳି ଫୁଟାଇ ବନ କର୍ମଚାରୀଙ୍କ ଉପରକୁ ସଂଘବଦ୍ଧ ଆକ୍ରମଣ କରି ୯ ଜଣ ମଧ୍ୟରୁ ୮ ଜଣଙ୍କୁ ଛଡାଇ ନେଇଛନ୍ତି।
