ନୂଆଦିଲ୍ଲୀ : ଅରବିନ୍ଦ କେଜ୍ରିୱାଲଙ୍କ ଇସ୍ତଫା ପରେ କେନ୍ଦ୍ର ଶାସିତ ରାଜ୍ୟ ଜିଲ୍ଲୀକୁ ଆଜି ( ଶନିବାର) ନୂଆ ମୁଖ୍ୟମନ୍ତ୍ରୀ ମିଳିଛି। ଆମ୍ ଆଦମୀ ପାର୍ଟିର ନେତା ଆତିଶୀ ଦିଲ୍ଲୀର ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି। ଏହାସହ ସେ ଦିଲ୍ଲୀର ୩ୟ ମହିଳା ମୁଖ୍ୟମନ୍ତ୍ରୀ ହୋଇ ପାରିଛନ୍ତି। ଆପଣଙ୍କୁ କହି ରଖୁଛି କି , ଆତିଶୀ ଦକ୍ଷିଣ ଦିଲ୍ଲୀର କାଲକାଜି ବିଧାନସଭା ସିଟ୍ରୁ ବିଧାୟକ ଅଛନ୍ତି। ଆତିଶୀଙ୍କ ସହ ତାଙ୍କ କ୍ୟାବିନେଟର ୫ଜଣ ମନ୍ତ୍ରୀ ମଧ୍ୟ ଶପଥ ନେଇଛନ୍ତି। ଏହି ମନ୍ତ୍ରୀଙ୍କ ନାମ ଗୋପାଳ ରାୟ ,କୈଳାସ ଗେହଲଟ , ସୌରଭ ଭରଦ୍ୱାଜ , ଇମ୍ରାନ ହୁସୈନ ଓ ନୂଆ ଚେହେରା ମୁକେଶ ଅହଲାୱତ ।
କହି ରଖୁଛୁ କି , କେଜ୍ରିୱାଲଙ୍କ ଇସ୍ତଫା ପୂର୍ବରୁ ଆମ୍ ଆଦମୀ ପାର୍ଟିର ବିଧାୟକ ଦଳର ବୈଠକରେ ଆତିଶୀଙ୍କୁ ନୂଆ ନେତା ଭାବେ ଚୟନ କରାଯାଇ ଥିଲା। ଦିଲ୍ଲୀର ମୁଖ୍ୟମନ୍ତ୍ରୀର ଚୌକିରେ ବସିଥିବା ଆମ୍ ଆଦମୀ ପାର୍ଟିର ଆତିଶୀ , ବିଜେପିର ସୁଷମା ସ୍ୱରାଜ ଓ କଂଗ୍ରେସର ଶୀଲା ଦୀକ୍ଷିତଙ୍କ ପରେ ୩ୟ ମହିଳା ନେତା ହୋଇଛନ୍ତି। ସୁଷମା ସ୍ୱରାଜଙ୍କ କାର୍ଯ୍ୟକାଳ ବହୁତ କମ୍ ଥିବା ବେଳେ ଶୀଲା ଦିକ୍ଷିତ ୧୫ ବର୍ଷ ପର୍ଯ୍ୟନ୍ତ ଦିଲ୍ଲୀର ମୁଖ୍ୟମନ୍ତ୍ରୀ ରହିଥିଲେ । ଆଉ ଏବେ ଦିଲ୍ଲୀର ମୁଖ୍ୟମନ୍ତ୍ରୀ ହୋଇଛନ୍ତି ଆପ୍ ନେତ୍ରୀ ଆତିଶୀ ।
ଆତିଶୀ କେଜ୍ରିଓ୍ବାଲଙ୍କ କ୍ୟାବିନେଟରେ ମନ୍ତ୍ରୀ ଥିଲେ । ଏବେ ଆତିଶୀ ଶନିବାର ଦିଲ୍ଲୀର ତୃତୀୟ ମହିଳା ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି ।କେଜ୍ରିଓ୍ବାଲଙ୍କ ବିଶ୍ବସନୀୟ ସହଯୋଗୀ ହେଉଛନ୍ତି ଆତିଶୀ। ଆନ୍ନା ଆନ୍ଦୋଳନ ସମୟରୁ ସେ କେଜ୍ରିଓ୍ବାଲଙ୍କ ସହ ରହିଛନ୍ତି । ସରକାରରେ ସବୁଠୁ ଅଧିକ ମନ୍ତ୍ରାଳୟ ତାଙ୍କ ପାଖରେ ରହିଛି। କେଜ୍ରିଓ୍ବାଲ ଜେଲ ଯିବା ପାଖରୁ ଦଳ ଏବଂ ସରକାର ସହ ଜଡ଼ିତ ମୁଖ୍ୟ ପ୍ରସଙ୍ଗ ଉପରେ ଆତିଶୀ ନିଜର ମନ୍ତବ୍ୟ ଲାଗି ଚର୍ଚ୍ଚାରେ ରହିଥିଲେ ।
ଆତିଶୀ ୨୦୨୦ ଦିଲ୍ଲୀ ନିର୍ବାଚନରେ ପ୍ରଥମ ଥର ଲାଗି ବିଧାୟକ ନିର୍ବାଚିତ ହୋଇଥିଲେ । ଏହା ପରେ ୨୦୨୩ରେ କେଜ୍ରିଓ୍ବାଲ ତାଙ୍କୁ ନିଜ ମନ୍ତ୍ରିମଣ୍ଡଳରେ ସାମିଲ କରିଥିଲେ।
