ମୁମ୍ବାଇ ,୨୩/୬: ଟେଲି ପରଦାର ଲୋକପ୍ରିୟ ଅଭିନେତ୍ରୀ ଅଶନୁର କୌର । ତାଙ୍କ ଚାର୍ମିଂ ଲୁକ୍ ଓ କ୍ୟୁଟନେସ୍ ପାଇଁ ଫ୍ୟାନ୍ସ ବେଶ୍ ପସନ୍ଦ କରନ୍ତି । ଟିଭି ସିରିଏଲ ବ୍ୟତୀତ ସେ ବଲିଉଡ଼ରେ ମଧ୍ୟ ନଜର ଆସିଛନ୍ତି । ଅଶନୁର ୫ ବର୍ଷ ବୟସରୁ ଅଭିନୟ ଆରମ୍ଭ କରିଛନ୍ତି । ୨୦୦୯ରେ 'ଝାନସୀ କି ରାନୀ'ରେ ଶିଶୁ କଳାକାର ଭାବେ ଟିଭିରେ ଡେବ୍ୟୁ କରିଥିଲେ । ଏହା ପରେ ସେ ଲୋକପ୍ରିୟ ଟିଭି ଶୋ 'ସାଥ୍ ନିଭାନା ସାଥିଆ', 'ବଡ଼େ ଅଚ୍ଛେ ଲଗତେ ହୈଁ', 'ସିଆଇଡି'ରେ ଅଭିନୟ କରିଥିଲେ । କିନ୍ତୁ ତାଙ୍କୁ 'ୟେ ରିଶ୍ତା କ୍ୟା କେହଲାତା ହୈ' ଶୋ' ରୁ ପରିଚୟ ମିଳିଥିଲା । ଅନୁରାଗ କଶ୍ୟପଙ୍କ ବଲିଉଡ଼ ଚଳଚ୍ଚିତ୍ର 'ମନମର୍ଜିୟାଁ', 'ସଞ୍ଜୁ' ରେ ମଧ୍ୟ ତାଙ୍କ ଆଭିନୟର ଜଲ୍ୱା ଦେଖିବାକୁ ମିଳିଥିଲା ।
ହେଲେ ବହୁତ୍ କମ୍ ଲୋକ ଜାଣିଛନ୍ତି କି ଅଶନୁର ଜଣେ ଅଭିନେତ୍ରୀ ସହ ଜଣେ ବିଜନେସ୍ ୱିମେନ୍ ମଧ୍ୟ । ମାତ୍ର ୧୮ ବର୍ଷ ବୟସରେ ସେ ତାଙ୍କର GenZ ମେକଅପ୍ ବ୍ରାଣ୍ଡ୍ 'କଲର ପ୍ଲେ' ଲଞ୍ଚ୍ କରିଥିଲେ । ଆକ୍ଟିଂ ଏବଂ ମେକଅପ୍ ବ୍ରାଣ୍ଡ୍ ସହ ସେ ସୋସିଆଲ ମିଡିଆ ଏବଂ ବ୍ରାଣ୍ଡ୍ ଏଣ୍ଡୋର୍ସମେଣ୍ଟରୁ ଭଲ କମାଉଛନ୍ତି । ବହୁତ କମ୍ ବୟସରେ ସେ ଏବେ କୋଟି କୋଟି ଟଙ୍କାର ମାଲିକ। ଯୁବଗୋଷ୍ଠୀଙ୍କ ମଧ୍ୟରେ ସେ ବେଶ ଲୋକପ୍ରିୟ । ଖୁବ୍ ଶୀଘ୍ର ଗ୍ଲାମରସ୍ ଅଶନୁର ତାଙ୍କ ନୂତନ ଟିଭି ସିରିଏଲ 'ସୁମନ ଚଲି ସସୁରାଲ'ରେ ନଜର ଆସିବେ ।