ଅମୃତସର : ପଞ୍ଜାବରେ ବିଷାକ୍ତ ମଦ ପାନ କରି ୨୩ ଜଣ ଲୋକଙ୍କ ମୃତ୍ୟୁ ପରେ ପଞ୍ଜାବ ପୁଲିସ ଦିଲ୍ଲୀରୁ ଦୁଇ ଅଭିଯୁକ୍ତଙ୍କୁ ଗିରଫ କରିଛି। ଅମୃତସରର ମଜିଠା ସବ୍ ଡିଭିଜନର ୩ଟି ଗାଁରେ ବିଷାକ୍ତ ମଦ ଆତଙ୍କ ଖେଳାଇ ଦେଇଛି। ଅମୃତସର ଗ୍ରାମୀଣ ପୋଲିସ ଏବେ ବିଷାକ୍ତ ମଦର ସପ୍ଲାଇ କରୁଥିବା ଲୋକଙ୍କର ଗିରଫଦାରୀରେ ଲାଗି ପଡ଼ିଛି। ଏହି ବେପାରରେ ସଂପୃକ୍ତ ଥିବା ରବିନ୍ଦ୍ର ଜୈନ ଓ ଋଷଭ ଜୈନଙ୍କୁ ଦିଲ୍ଲୀର ମଡେଲ ଟାଉନ୍ରୁ ଧରାଯାଇଛି।
ଡିଜିପି ଗୌରବ ଯାଦବ ଏକ୍ସରେ ଲେଖିଛନ୍ତି , ୱାଟ୍ସଆପ୍ ଚ୍ୟାଟ୍ ହିଷ୍ଟ୍ରିରୁ ଜଣାପଡ଼ିଛି ଯେ,ମୁଖ୍ୟ ଅଭିଯୁକ୍ତଙ୍କ ମଧ୍ୟରୁ ଜଣେ ସାହିବ ସିଂହ ଋଷଭ ଜୈନଙ୍କ ସଂପର୍କରେ ଥିଲେ। ସନ୍ଦେହ କରାଯାଉଛି ଯେ, ଜୈନଙ୍କ ଠାରୁ ସାହିବ ସିଂହ ଏହି ଜିନିଷ ପାଇଥିଲେ,ଯାହା କି ପଞ୍ଜାବ ଅଞ୍ଚଳରେ ଅପମିଶ୍ରଣ ମଦର ଉତ୍ପାଦନ କରୁଥିଲେ।
ପୋଲିସ ଅଧିକାରୀ କହିଛନ୍ତି - ଭାରତୀୟ ନ୍ୟାୟ ସଂହିତା ଓ ଅବକାରୀ ଆଇନର ଧାରାରେ କେସ୍ ରୁଜୁ କରାଯାଇଛି ଏବଂ ମାମଲାର ଯାଞ୍ଚ କରାଯାଉଛି ,ଯାହାକି ଅବୈଧ ନେଟୱାର୍କର ମୂଳରେ ପହଞ୍ଚି ହେବ। ଅମୃତସର ମଜିଠାରେ ଅପମିଶ୍ରମଣ ମଦ ପାନ କରି ଦୁଇ ଦିନରେ ୨୩ ଜଣ ଲୋକଙ୍କ ମୃତ୍ୟୁ ହୋଇ ସାରିଛି, ଯାହାକି ଆଉ ୧୦ ଜଣ ହସ୍ପିଟାଲରେ ଭର୍ତ୍ତି ହୋଇଛନ୍ତି।
ମଙ୍ଗଳବାର ସୁଦ୍ଧା ୨୧ଜଣ ଲୋକଙ୍କ ମୃତ୍ୟୁ ହୋଇଥିଲା, ଯାହାକି ବୁଧବାର ଆଉ ଦୁଇ ଲୋକଙ୍କ ମୃତ୍ୟୁ ହୋଇଛି। ମୁଖ୍ୟ ଅଭିଯୁକ୍ତ ସାହିବ ସମେତ ୧୦ ଜଣ ଲୋକଙ୍କୁ ଗିରଫ କରାଯାଇ ସାରିଛି। ମଜିଠାର ଜିଏସପି ଓ ସ୍ଥାନୀୟ ଅବକାରୀ ଅଧିକାରୀଙ୍କ ସମେତ ୪ଜଣ ଅଧିକାରୀଙ୍କୁ ନିଲମ୍ୱିତ କରାଯାଇ ସାରିଛି।
