ନୂଆଦିଲ୍ଲୀ,୨୫/୦୮: କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହ ୧୩୦ତମ ସମ୍ବିଧାନ ସଂଶୋଧନ ବିଲ୍, ଉପରାଷ୍ଟ୍ରପତି ନିର୍ବାଚନ ଓ ବିରୋଧୀଙ୍କ ଅଭିଯୋଗକୁ ନେଇ ନ୍ୟୁଜ୍ ଏଜେନ୍ସି ଏଏନଆଇକୁ ସାକ୍ଷାତକାର ଦେଇଛନ୍ତି । ଏ ତମାମ ବିଷୟକୁ ନେଇ ସେ ଆଲୋଚନା କରିଛନ୍ତି । ୧୩୦ତମ ସମ୍ବିଧାନ ସଂଶୋଧନ ବିଲ୍ ବିରୋଧରେ ବିରୋଧୀଙ୍କ ମତ ଉପରେ ଶାହ କହିଛନ୍ତି, ବିରୋଧୀ ଚେଷ୍ଟା କରୁଛନ୍ତି, ଯଦି ସେମାନେ କେବେ ଜେଲ୍ ଯାଆନ୍ତି ତେବେ ଜେଲରୁ ସହଜରେ ସରକାର ଗଠନ କରିପାରିବେ । ସେମାନେ ଜେଲକୁ ପିଏମ୍-ସିଏମ୍ ହାଉସ୍ କରିଦେବେ । ଡିଜିପି, ମୁଖ୍ୟ ଶାସନ ସଚିବ, କ୍ୟାବିନେଟ୍ ସଚିବ କିମ୍ବା ଗୃହ ସଚିବ ଜେଲରୁ ହିଁ ଆଦେଶ ଦେବେ । ଏମିତି ହୋଇପାରିବ ନାହିଁ ।' ଅମିତ ଶାହ ଦାବି କରିଛନ୍ତି ଯେ କଂଗ୍ରେସର କିଛି ଲୋକ ଏହି ବିଲ୍କୁ ସମର୍ଥନ କରିବେ ଯାହା ଦ୍ୱାରା ବିଲ୍ ସହଜରେ ପାସ୍ ହୋଇଯିବ । ସେହିପରି ଜଗଦୀପ ଧନଖଡ଼ଙ୍କ ଇସ୍ତଫା ବାବଦରେ ଶାହ କହିଛନ୍ତି, ଏହା ସ୍ପଷ୍ଟ ଯେ ଏହାର କାରଣ ସ୍ୱାସ୍ଥ୍ୟଗତ ସମସ୍ୟା ।
ବିରୋଧୀଙ୍କୁ କଟାକ୍ଷ କରି ଗୃହମନ୍ତ୍ରୀ କହିଛନ୍ତି, "ଲାଲୁ ଯାଦବଙ୍କୁ ବଞ୍ଚାଇବା ପାଇଁ ମନମୋହନ ସିଂହ ଆଣିଥିବା ଅଧ୍ୟାଦେଶକୁ ଚିରି ଦେବା ପାଇଁ ରାହୁଲ ଗାନ୍ଧୀଙ୍କ ଯୁକ୍ତି କ’ଣ ଥିଲା ? ଯଦି ସେଦିନ ନୈତିକତା ଥିଲା, ତେବେ ଆଜି ନାହିଁ କାରଣ ଆପଣ ଲଗାତାର ୩ଟି ନିର୍ବାଚନ ହାରିଛନ୍ତି ? ମୁଁ ବିଶ୍ୱାସ କରେ ଯେ ଏହା ଗୃହୀତ ହେବ । କଂଗ୍ରେସ ଦଳ ଏବଂ ବିରୋଧୀ ଦଳରେ ଅନେକ ଲୋକ ନୈତିକତାକୁ ସମର୍ଥନ କରିବେ ଏବଂ ନୈତିକତାର ଆଧାର ବଜାୟ ରଖିବେ । ବିରୋଧୀ ଯେଉଁ ଆଇନ୍ରୁ ବିରୋଧ କରୁଛନ୍ତି ଯଦି ତାହା ପୂର୍ବରୁ ହୋଇଥାଆନ୍ତା ତେବେ ଅରବିନ୍ଦ କେଜ୍ରିୱାଲଙ୍କୁ ଜେଲ ହୋଇଥିଲା ତାଙ୍କୁ ଇସ୍ତଫା ଦେବାକୁ ପଡ଼ିଥାନ୍ତା " ।
'ଏହାକୁ ଲମ୍ବା କରିବା ଅନୁଚିତ୍'- ଜଗଦୀପ ଧନଖଡ଼ଙ୍କ ଅଚାନକ ଇସ୍ତଫା ବାବଦରେ ପଚରାଯାଇଥିବା ପ୍ରଶ୍ନର ଉତ୍ତରରେ ସ୍ୱରାଷ୍ଟ୍ର ମନ୍ତ୍ରୀ ଅମିତ୍ ଶାହ କହିଛନ୍ତି, ଜଗଦୀପ ଧନଖଡଙ୍କ ଇସ୍ତଫା ସମ୍ପୂର୍ଣ୍ଣ ସ୍ପଷ୍ଟ । ଏହାର କାରଣ ସ୍ୱାସ୍ଥ୍ୟଗତ ସମସ୍ୟା । ସେ ତାଙ୍କ କାର୍ଯ୍ୟକାଳରେ ବହୁତ ଭଲ କାମ କରିଛନ୍ତି । କିଛି ବିରୋଧୀ ନେତା ଧନଖଡ଼ଙ୍କୁ 'ନଜରବନ୍ଦୀ' କରି ରଖାଯାଇଥିବା ଦାବି କରିଛନ୍ତି । ସତ ଏବଂ ମିଛର ବାଖ୍ୟା କେବଳ ବିରୋଧୀଙ୍କ ବୟାନ ଉପରେ ନିର୍ଭର ହେବା କଥା ନୁହେଁ । ଏହାକୁ ଅଧିକ ବଡ଼ କରିବା ଅନୁଚିତ୍
#WATCH | Over HM Shah's statement- "Many people in Congress, opposition will support morality" -on 130th Amendment Bill, Congress leader Udit Raj says," There are a lot of people in the NDA who do not like this bill. This bill is against the Opposition. This bill will not affect… pic.twitter.com/5uZxX7CWlr
— ANI (@ANI) August 25, 2025
କ'ଣ କହିଲେ ବିରୋଧୀ ? ୧୩୦ତମ ସମ୍ବିଧାନ ସଂଶୋଧନ ବିଲ୍ ଉପରେ ଗୃହମନ୍ତ୍ରୀ ଅମିତ୍ ଶାହଙ୍କ ମତକୁ ନେଇ କଂଗ୍ରେସ ନେତା ଉଦିତ୍ ରାଜ୍ କହିଛନ୍ତି,''ଏନ୍ଡିଏର ଅନେକ ନେତା ଅଛନ୍ତି ଯିଏକି ଏହି ବିଲ୍କୁ ପସନ୍ଦ କରୁନାହାନ୍ତି । ଏହି ବିଲ୍ ବିରୋଧୀଙ୍କ ବିରୋଧରେ ଦୂରୁପଯୋଗ କରିବାକୁ ପ୍ରସ୍ତୁତ ହୋଇଛି । ବିରୋଧୀଙ୍କୁ ଫସାଇବାକୁ ହୋଇଛି । ସବୁ ନାଟକ କରୁଛନ୍ତି କି ପ୍ରଧାନମନ୍ତ୍ରୀଙ୍କୁ ମଧ୍ୟ ଏଥିରେ ସାମିଲ କରାଯାଇଛି । ପିଏମ୍ଙ୍କୁ କିଏ ଛୁଇଁବ । ପୂରା ସିଷ୍ଟମ ତ ତାଙ୍କ ଗୁଲାମ ।''
ସେହିପରି ଅମିତ୍ ଶାହଙ୍କୁ ବୟାନକୁ ନେଇ ଆରଜେଡି ସାଂସଦ ମନୋଜ ଝା କହିଛନ୍ତି, ''ସମସ୍ତଙ୍କୁ ଏକାଠୀ ନେଇ ଚାଲିବା ତାଙ୍କ କ୍ଷମତାରେ ନାହିଁ । ସେମାନେ ବିରୋଧୀମୁକ୍ତ ଲୋକତନ୍ତ୍ର କରିବାକୁ ଚେଷ୍ଟା କରୁଛନ୍ତି । କ'ଣ ନିକଟରେ ସୁପ୍ରିମକୋର୍ଟ ଇଡିକୁ ନେଇ ଦେଇଥିବା ଟିପ୍ପଣୀ ଅମିତ୍ ଶାହ ଶୁଣିଛନ୍ତି କି ? ନା ଶୁଣି ନଶୁଣିଲା ପରି ବ୍ୟବହାର କରୁଛନ୍ତି । ଯେଉଁଥିରେ ସର୍ବୋଚ୍ଚ ନ୍ୟାୟାଳୟ ଇଡିକୁ କହିଥିଲେ ତୁମେ ତ ରାଜନୈତିକ ଦଳ ପରି ବ୍ୟବହାର କରୁଛ ।''
#WATCH | Over HM Shah's statement- "Many people in Congress, opposition will support morality" -on 130th Amendment Bill, RJD MP Manoj Jha says, "...They want to finish both internal and external opposition...Has Amit Shah heard the recent summary by the Supreme Court on ED? Or… pic.twitter.com/52XyKxxzvq
— ANI (@ANI) August 25, 2025
