ନୂଆଦିଲ୍ଲୀ: ରବିବାର ସକାଳେ ଆମେରିକାର ନ୍ୟୁୟର୍କ ସହରର ଏକ ଜନଗହଳିପୂର୍ଣ୍ଣ କ୍ଲବରେ ଗୁଳିକାଣ୍ଡ ଘଟଣା ଘଟିଛି। ଏହି ଘଟଣାରେ ୩ ଜଣଙ୍କର ମୃତ୍ୟୁ ହୋଇଛି ଏବଂ ୮ ଜଣ ଆହତ ହୋଇଛନ୍ତି। ନ୍ୟୁୟର୍କ ପୋଲିସ ବିଭାଗ କମିଶନର ଜେସିକା ଟିସ୍ ସାମ୍ବାଦିକ ମାନଙ୍କୁ ଏହି ସୂଚନା ଦେଇଛନ୍ତି । କହିଛନ୍ତି ଯେ, ତଦନ୍ତକାରୀ ମାନେ ବିଶ୍ୱାସ କରନ୍ତି ଯେ ଜଣେ କିମ୍ବା ଅଧିକ ଆକ୍ରମଣକାରୀ ଏହି ଘଟଣାରେ ସାମିଲ ଥାଇପାରନ୍ତି। ସ୍ଥାନୀୟ ସମୟ ଅନୁସାରେ ପ୍ରାୟ ୩.୩୦ ରେ ବିବାଦ ପରେ ଆକ୍ରମଣକାରୀ ମାନେ ବ୍ରୁକଲିନର କ୍ରାଉନ୍ ହାଇଟ୍ସରେ 'ଟେଷ୍ଟ ଅଫ୍ ଦି ସିଟି ଲାଉଞ୍ଜ'ରେ ଅନେକ ଅସ୍ତ୍ରଶସ୍ତ୍ର ସହିତ ଗୁଳି ଚଳାଇଥିଲେ। ଗୁଳିକାଣ୍ଡରେ ୩ ଜଣଙ୍କର ମୃତ୍ୟୁ ହୋଇଛି ।
ଜେସିକା ଟିସ ସାମ୍ବାଦିକ ମାନଙ୍କୁ କହିଛନ୍ତି କି, "ଏହା ନ୍ୟୁୟର୍କ ସହରରେ ଏକ ଭୟଙ୍କର ଗୁଳିକାଣ୍ଡ ଘଟଣା। ଅଧିକାରୀ ମାନେ ଲାଉଞ୍ଜରୁ ମିଳିଥିବା ଅତି କମରେ ୩୬ ଟି ସେଲ୍ ଏବଂ ନିକଟବର୍ତ୍ତୀ ରାସ୍ତାରେ ମିଳିଥିବା ଏକ ବନ୍ଧୁକର ତଦନ୍ତ ମଧ୍ୟ କରୁଛନ୍ତି । ଟିସ୍ଙ୍କ ଅନୁଯାୟୀ, ଗୁଳିକାଣ୍ଡରେ ଆହତ ହୋଇଥିବା ଲୋକଙ୍କ ମଧ୍ୟରେ ୩ ଜଣ ମହିଳା ମଧ୍ୟ ଅଛନ୍ତି, ଯାହାକୁ ହସ୍ପିଟାଲରେ ଭର୍ତ୍ତି କରାଯାଇଛି। ସେ ସ୍ପଷ୍ଟ କରିଛନ୍ତି ଯେ, ସମସ୍ତ ଆହତ ବିପଦମୁକ୍ତ ଏବଂ ସେମାନଙ୍କ ବୟସ ୨୭ ରୁ ୬୧ ବର୍ଷ ମଧ୍ୟରେ।
ଆମେ ଆପଣଙ୍କୁ କହି ରଖୁଛୁ ଯେ, ଆମେରିକାରେ ଗୁଳିକାଣ୍ଡ ଘଟଣା ସାଧାରଣ। ନିକଟରେ ଆମେରିକାର ଟେକ୍ସାସ ରାଜ୍ୟର ରାଜଧାନୀ ଅଷ୍ଟିନରେ ଗୁଳିକାଣ୍ଡ ଘଟିଥିଲା। ଏଠାରେ ଜଣେ ବନ୍ଧୁକଧାରୀ 'ଟାର୍ଗେଟ୍' କମ୍ପାନୀର ଏକ ଷ୍ଟୋରର ପାର୍କିଂ ଅଞ୍ଚଳରେ ଗୁଳିକାଣ୍ଡ କରି ୨ ଜଣ ବୟସ୍କ ଏବଂ ଜଣେ ଶିଶୁଙ୍କୁ ହତ୍ୟା କରିଥିଲେ। ଘଟଣା ଘଟାଇବା ପରେ, ଅଭିଯୁକ୍ତ ଏକ ଚୋରି କାରରେ ପଳାଇ ଯାଇଥିଲେ କିନ୍ତୁ ପରେ ପୋଲିସ ତାଙ୍କୁ ଧରିଥିଲା।
