ନବରଙ୍ଗପୁର /ପାପଡାହାଣ୍ଡି ,୨୨।୧୦ : ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ଚେରଚେଟା ଗ୍ରାମପଞ୍ଚାୟତ ଅନ୍ତର୍ଗତ ଭାଟିକୋଟ ଗ୍ରାମରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଭୁଲ ଇଞ୍ଜେକ୍ସନ ଯୋଗୁ ମୃତ୍ୟୁ ହୋଇଥିବା ଅଭିଯୋଗ କରିଛନ୍ତି ପରିବାର । ଘଟଣାସ୍ଥଳରେ ପୋଲିସ ପହଁଚି ତଦନ୍ତ ଆରମ୍ଭ କରିଛି। ମୃତ ମହିଳା ଜଣକ ହେଲେ ତାମ୍ଭ ସାନ୍ତା(୨୦)।
ସୂଚନା ଅନୁଯାୟୀ ଭାଟିକୋଟ ଗ୍ରାମର ଚାଉ କୁମାର ସନ୍ତାଙ୍କ ସ୍ତ୍ରୀ ତାମ୍ଭ ସାନ୍ତା ଗତ ତିନି ମାସ ତଳେ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଲୟରେ ପ୍ରସୂତି ହୋଇଥିଲେ । ସେଠାରେ ତାମ୍ଭ ସାନ୍ତାଙ୍କୁ ଦୁଇଟି ଯାଆଳାଁ ଛୁଆ ଜନ୍ମ ହୋଇଥିଲେ । ଗତ ୧୫ ଦିନ ପରେ ତମ୍ବା ସାନ୍ତାଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ହେବାର ଲାଗିଲା। ଘର ଲୋକ ତମ୍ବାଙ୍କୁ ପାପଡାହାଣ୍ଡି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଆଣି ଦେଖାଇବା ପରେ ଡାକ୍ତର ତାଙ୍କ ଦେହ ରେ ରକ୍ତ ର ଅଭାବ ନେଇ କହିଥିଲେ। କିଛି ଔଷଧ ଦେଇଥିଲେ ଓ କିଛି ଦିନ ପରେ ଆସି ଦେଖା କରିବାକୁ କହିଥିଲେ । ଏହା ପରେ ସେ ଘରେ ଔଷଧ ଦେଇ ଉପଚାର କରୁଥିଲେ । ଆଜି ମାତୃ ଦିବସ ଉପଲକ୍ଷେ ଚେରଚେଟା ଏଏନଏମ ଓ ଅଙ୍ଗନବାଡି ତାମ୍ବ ସାନ୍ତା ଘରକୁ ଯାଇ ସ୍ୱାସ୍ଥ୍ୟ ଅବସ୍ଥା ବୁଝିଥିଲେ।
ତାମ୍ଭ ସାନ୍ତାଙ୍କ ସ୍ୱାମୀ ଅଭିଯୋଗ କରିଛନ୍ତି ଯେ ଏଏନଏମ ଦିଦି ଦୁଇଟି ଇଞ୍ଜେକ୍ସନ ଦେଇଥିଲେ ଓ କିଛି ଔଷଧ ଦେଇଥିଲେ । ଏହା ବାବଦରେ ୧୫୦୦ ଟଙ୍କା ମାଗିଥିଲେ । ଏକ ହଜାର ଟଙ୍କା ଦେଇଥିଲି।. ଏହାର ୧୫ ମିନିଟ ସମୟ ପରେ ତାମ୍ବର ମୃତ୍ୟୁ ଘଟିଥିଲା । ଭୁଲ ଇଞ୍ଜେକ୍ସନ ଯୋଗୁ ମୋର ସ୍ତ୍ରୀର ମୃତ୍ୟୁ ହୋଇଛି। ଏହାର ତଦନ୍ତ କରିବା ପରେ ଦୋଷୀଙ୍କୁ ଉଚିତ ଦଣ୍ଡ ଦିଆଯାଉ ବୋଲି କହିଛନ୍ତି । ଏନେଇ ପାପଡାହାଣ୍ଡି ଥାନା ରେ ଅଭିଯୋଗ ହେବା ପରେ ପୋଲିସ ମୃତଦେହ ଜବତ କରି ବ୍ୟବଛେଦ ପାଇଁ ପଠାଇଛି। ପୋଲିସ ଦିଆଯାଇଥିବା ଇଂଜେକସନ ଓ ଔଷଧକୁ ଜବତ କରିଛିନ୍ତି । ଅତିରିକ୍ତ ତହସିଲଦାର ସସ୍ମିତା ଜେନା, ଉପସ୍ଥିତ ରେ ଏସଡିପିଓ ମିନାକ୍ଷୀ ଠାକୁର, ଥାନା ଅଧିକାରୀ ଦୀପକ କୁମାର ଜେନା, ଘଟଣାସ୍ଥଳ ପହଁଚି ତଦନ୍ତ ଆରମ୍ଭ କରିଛି। ଶଵ ବ୍ୟବଛେଦ ପରେ ପରିବାରଙ୍କୁ ହସ୍ତାନ୍ତର କରାଯିବ ବୋଲି ତଦନ୍ତ ଅଧିକାରୀ ସନ୍ତୋଷ କୁମାର ମାଝୀ ସୂଚନା ଦେଇଛନ୍ତି ।
