ନବରଙ୍ଗପୁର,୨୨/୧୨: ସଡକ ଦୁର୍ଘଟଣା ନେଲା ଦୁଇ ଜୀବନ । ରବିବାର ବିଳମ୍ୱିତ ରାତିରେ ନବରଙ୍ଗପୁର ସହର ନିକଟସ୍ଥ ଗ୍ଲେଜ ହୋଟେଲ ନିକଟରେ ଦୁଇ ବାଇକ୍ ମୁହାଁମୁହିଁ ଧକ୍କା ହେବା ଫଳରେ ଦୁଇ ବାଇକ୍ ଆରୋହୀଙ୍କ ମୃତ୍ୟୁ ଘଟିଛି । ମୃତକ ଦୁଇ ଜଣ ବଡ଼ ଡାଇଭଟ୍ଟାର ଅମିତ ବାଘ ଓ ନବରଙ୍ଗପୁର ସହରର ତ୍ରିଲୋଚନ ଯାନୀ ବୋଲି ଜଣାପଡିଛି ।
ସୂଚନା ମୁତାବକ, ତ୍ରିଲୋଚନ ଯାନୀ ସହର ଉପକଣ୍ଠ ପୋଡ଼ଶୀ କୋରାପୁଟ ଜିଲ୍ଲାର ଆଉଁଳି ସ୍ଥିତ ଏକ ଢ଼ାବାରେ କାମ କରନ୍ତି । ଅମୀତ ବାଘ ସହରରେ କିଛି କାମ ସାରି ଡାଇଭଟ୍ଟା ସ୍ଥିତ ନିଜ ଘରକୁ ଫେରୁଥିଲେ । ଉଭୟ ଅମିତ ଓ ତ୍ରିଲୋଚନ ନିଜ ନିଜ ବାଇକରେ ଫେରୁଥିବା ବେଳେ ଗ୍ଲେଜ ହୋଟେଲ ନିକଟରେ ମୁହାଁମୁହିଁ ଧକ୍କା ହୋଇଥିଲା । ଫଳରେ ଘଟଣା ସ୍ଥଳରେ ଉଭୟଙ୍କ ମୃତ୍ୟୁ ହୋଇଥିଲା । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ପୋଲିସ ପହଞ୍ଚି ମୃତଦେହ ଦ୍ୱୟ ଜବତ କରି ବ୍ୟହଚ୍ଛେଦ ପାଇଁ ପଠାଇଛି । ଏହା ସହ ଘଟଣାର ତଦନ୍ତ କରୁଛି ପୋଲିସ ।
