କରଞ୍ଜିଆ,୦୫/୧୨: ଶିମିଳିପାଳରେ ଶିକାରୀଙ୍କୁ ପୁଣି ଧରିଲା ଏଆଇ କ୍ୟାମେରା । ଶିକାର ପାଇଁ ଆସିଥିବା ବେଳେ ୩ ଶିକାରୀଙ୍କୁ ଧରିଲା ବନବିଭାଗ । ୩ ଜଣ ଅଭିଯୁକ୍ତ ବାଙ୍ଗିରିପୋଷି ଥାନା ଅଞ୍ଚଳର କରନ୍ ମାରାଣ୍ଡି, କାରୁ ହାଁସଦା ଓ ବୁଧୁରାୟ ସୋରେନ୍ ବୋଲି ଜଣାପଡିଛି । ସେମାନଙ୍କ ଠାରୁ ୫ଟି ଦେଶୀ ବନ୍ଧୁକ, ଗୋଟିଏ ଛୋଟ ବନ୍ଧୁକ, ବନ୍ଧୁକରେ ବ୍ୟବହୃତ ଗୁଣ୍ଡ, ଧନୁତୀର, ବିସ୍ଫୋରକ ଓ ଫାସ ଜବତ କରାଯାଇଛି । ମୟୂରଭଞ୍ଜ ଜିଲ୍ଲା କରଞ୍ଜିଆ ଅଞ୍ଚଳରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ୩ ଜଣ ଶିକାରୀ ଶିମିଳିପାଳରେ ଶିକାର କରିବା ପାଇଁ ପଶିଥିଲେ । ଏହି ସମୟର କିଛି ଦୃଶ୍ୟ ଏଆଇ କ୍ୟାମେରାରେ କଏଦ ହୋଇଥିଲା । ଯାହା ସାହାଯ୍ୟରେ ଉକ୍ତ ୩ ଜଣ ଶିକାରୀଙ୍କୁ ଧରିବାରେ ବନ ବିଭାଗ ସଫଳ ହୋଇଛି । ୩ ଜଣ ଅଭିଯୁକ୍ତ ବାଙ୍ଗିରିପୋଷି ଥାନା ଅଞ୍ଚଳର କରନ୍ ମାରାଣ୍ଡି, କାରୁ ହାଁସଦା ଓ ବୁଧୁରାୟ ସୋରେନ୍ ବୋଲି ଜଣାପଡ଼ିଛି । ତେବେ କରନ ମାରାଣ୍ଡିକୁ ଶିମିଳିପାଳ ମଧ୍ୟରୁ ଗିରଫ କରିଥିବା ବେଳେ ଅନ୍ୟ ଦୁଇ ଶିକାରୀଙ୍କୁ ସେମାନଙ୍କ ଗାଁରୁ ଗିରଫ କରିଛି ବନବିଭାଗ । ସେମାନଙ୍କ ପାଖରୁ ୫ ଟି ଦେଶୀ ବନ୍ଧୁକ, ଗୋଟିଏ ଛୋଟ ବନ୍ଧୁକ, ବନ୍ଧୁକରେ ବ୍ୟବହୃତ ଗୁଣ୍ଡ, ଧନୁତୀର, ବିସ୍ଫୋରକ ଓ ଫାସ ଜବତ ହୋଇଛି।
