ଭୁବନେଶ୍ବର,୨୫।୮ : ରାଜ୍ୟ ଅମଳା ସଂଘର ଡାକରାରେ ଆନ୍ଦୋଳନରେ ସାମିଲ ହୋଇଥିବା ରାଜସ୍ବ କର୍ମଚାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିର୍ଦେଶ। ସେମାନଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ନିଆଯିବ। କାର୍ଯ୍ୟାନୁଷ୍ଠାନ ପାଇଁ ସବୁ ଜିଲ୍ଲାପାଳଙ୍କୁ ରାଜସ୍ବ ବିଭାଗ ପକ୍ଷରୁ ଚିଠି କରାଯାଇଛି। ଛୁଟିରେ ଯାଇଥିବା ସମସ୍ତ କର୍ମଚାରୀଙ୍କ ତାଲିକା ଦେବାକୁ ଚିଠିରେ ନିର୍ଦ୍ଦେଶ ଦିଆଯାଇଛି। ପୂର୍ବରୁ ଛୁଟି ବାତିଲ ସତ୍ତ୍ବେ କାର୍ଯ୍ୟରେ ଯୋଗ ଦେଇ ନାହାନ୍ତି କର୍ମଚାରୀ।
ସୂଚନାଯୋଗ୍ୟ ଯେ, ରାଜସ୍ବ ଅମଳା ସଂଘ ଡାକରାରେ ରାଜସ୍ବ କର୍ମଚାରୀ ଅଗଷ୍ଟ ୧୧ ତାରିଖରୁ ସମୂହ ଛୁଟିରେ ଯାଇ ଆନ୍ଦୋଳନରେ ସାମିଲ ହୋଇଛନ୍ତି। ବିଭିନ୍ନ ଦାବି ନେଇ ସେମାନେ ଧାରଣାରେ ବସିଛନ୍ତି। ଫଳରେ ସରକାରୀ କାର୍ଯ୍ୟ ବାଧାପ୍ରାପ୍ତ ହେଉଛି। ଏଥିସହ ଲୋକମାନେ ବିଭିନ୍ନ କାର୍ଯ୍ୟରେ କାର୍ଯ୍ୟାଳୟ ଆସି ନିରାଶ ହୋଇ ଫେରୁଛନ୍ତି।
