ଭୁବନେଶ୍ୱର ୨୫/୦୮ : ଶିକ୍ଷା ଓ ଅନୁସନ୍ଧାନ (ସୋଆ) ବିଶ୍ୱବିଦ୍ୟାଳୟ ପରିଚାଳିତ ଇନ୍ଷ୍ଟିଚ୍ୟୁଟ୍ ଅଫ୍ ଏଗ୍ରିକଲ୍ଚରାଲ ସାଇନ୍ସେସ୍ (ଆଇଏଏସ୍) ପକ୍ଷରୁ ଅଗଷ୍ଟ ୧୬ ରୁ ୨୨ ତାରିଖ ପର୍ଯ୍ୟନ୍ତ ୭ ଦିନ ବ୍ୟାପୀ ‘ଗାଜର ଘାସ ସଚେତନତା ସପ୍ତାହ’ ପାଳିତ ହୋଇଯାଇଛି। ପାର୍ଥେନିୟମ୍ ଭାବେ ପରିଚିତ ଏହି ଗାଜର ଘାସର ଅନିଷ୍ଟକାରୀ ପ୍ରଭାବ ଓ କୃଷି ପ୍ରତି ଏହା କିପରି କ୍ଷତିକାରକ ଏହି ବିଷୟରେ ଜନ ସଚେତନତା ସୃଷ୍ଟି କରିବା ନିମନ୍ତେ ଏହି ସପ୍ତାହ ପାଳିତ ହୋଇଥିଲା।
ଏହି ଉପଲକ୍ଷେ ଶିକ୍ଷାନୁଷ୍ଠାନର କ୍ଷେତ୍ର ବିଜ୍ଞାନ ଓ ଉଦ୍ଭିଦ ଶରୀରତତ୍ୱ ବିଭାଗ ପକ୍ଷରୁ ଏକ କର୍ମଶାଳାର ଆୟୋଜନ କରାଯାଇଥିଲା ଯେଉଁଥିରେ ଉଦ୍ଭିଦ ଶରୀରତତ୍ୱ ବିଭାଗର ମୁଖ୍ୟ ପ୍ରଫେସର ସରୋଜ କୁମାର ମହାନ୍ତି ଓ କ୍ଷେତ୍ର ବିଜ୍ଞାନ ବିଭାଗର ମୁଖ୍ୟ ପ୍ରଫେସର ବାସୁଦେବ ବେହେରା ପ୍ରସଙ୍ଗ ଉପରେ ଆଲୋକପାତ କରିଥିଲେ ।
ଏହି କାର୍ଯ୍ୟକ୍ରମରେ ଓଡ଼ିଶା କୃଷି ବିଶ୍ୱବିଦ୍ୟାଳୟର ପୂର୍ବତନ ଅଧ୍ୟକ୍ଷ ପ୍ରଫେସର ସତ୍ୟାନନ୍ଦ ଜେନା ଓ ବିଶେଷଜ୍ଞ ଶ୍ରୀ ବଳରାମ ସୁବୁଦ୍ଧି ବିଷୟ ଭିତିକ ଆଲୋଚନା କରିଥିଲେ । କାର୍ଯ୍ୟକ୍ରମର ସମାପନ ଉତ୍ସବରେ ସୋଆର କୁଳପତି ପ୍ରଫେସର ପ୍ରଦୀପ୍ତ କୁମାର ନନ୍ଦ ଯୋଗ ଦେଇ ନିଜର ବକ୍ତବ୍ୟ ରଖିଥିଲେ ।
ଏହାଛଡ଼ା ବିଶ୍ୱବିଦ୍ୟାଳୟର ଜାତୀୟ ସେବା ସଂସ୍ଥା (ଏନ୍ଏସ୍ଏସ୍) ତରଫରୁ ୍ରଅଗଷ୍ଟ ୧୮ ତାରିଖରେ ଭୁବନେଶ୍ୱର ଉପକଣ୍ଠ କଳିଙ୍ଗନଗର ଠାରେ ଏକ ରାଲି ଆୟୋଜିତ ହୋଇଥିଲା । ଏହି ରାଲିରେ ୧୦୦ ରୁ ଊଦ୍ଧ୍ୱର୍ ଛାତ୍ରଛାତ୍ରୀ ତଥା ସ୍ଥାନୀୟ ବିକାଶ ପରିଷଦର କର୍ମକର୍ତା ଯୋଗ ଦେଇଥିଲେ ।
ସୋଆ ଏନ୍ଏସ୍ଏସ୍ର ସଂଯୋଜକ ଡକ୍ଟର କମଳ ଲୋଚନ ମହନ୍ତ, ସ୍ଥାନୀୟ ୱେଲଫେୟାର ଆସୋସିଏସନ୍ର ସଂପାଦକ ଶ୍ରୀ କ୍ଷେତ୍ରମୋହନ ଧଳ, ଡକ୍ଟର ଦୀପ୍ତନୁ ଦତ, ଡକ୍ଟର ମୁକେଶ କୁମାର ପାତ୍ର ଓ ଡକ୍ଟର ନେହା ପ୍ରଧାନ ଏଥିରେ ଅଂଶ ଗ୍ରହଣ କରିଥିଲେ । ଶ୍ରୀମତି ରଶ୍ମିପ୍ରଭା ଦାସ ଏହି କାର୍ଯ୍ୟକ୍ରମ ପରିଚାଳନା କରିଥିଲେ ।
ଅଗଷ୍ଟ ୧୯ ତାରିଖରେ ଛାତ୍ରଛାତ୍ରୀଙ୍କ ମଧ୍ୟରେ ଗାଜର ଘାସ ସଚେତନତା ଆଧାରିତ ଏକ ପ୍ରବନ୍ଧ ପ୍ରତିଯୋଗିତା ଆୟୋଜିତ ହୋଇଥିଲା । ଏହା ଛଡ଼ା ଅଗଷ୍ଟ ୨୦ରେ ନିକଟସ୍ଥ ବାଲିଅନ୍ତା ବ୍ଲକ ଅନ୍ତର୍ଗତ ପାଣିକଟା ଓ ସିଙ୍ଗିର ଶାସନ ଗ୍ରାମରେ ଆଇଏଏସ୍ର ୪ର୍ଥ ବର୍ଷ ଛାତ୍ରଛାତ୍ରୀମାନଙ୍କ ଦ୍ୱାରା ଗାଜର ଘାସ ସଚେତନତା ନିମନ୍ତେ ଏକ ଶୋଭାଯାତ୍ରା ଓ ପଥପ୍ରାନ୍ତ ନାଟକ ଆୟୋଜିତ ହୋଇଥିଲା । ଏହି କାର୍ଯ୍ୟକ୍ରମରେ ଭାରପ୍ରାପ୍ତ ଜିଲ୍ଲା କୃଷି ଅଧିକାରୀ ଡକ୍ଟର ମନୋରଞ୍ଜନ ରାଉଳ ଓ ସ୍ଥାନୀୟ ସରପଂଚ ଶ୍ରୀ ଭଗବାନ ବେହେରା ଯୋଗ ଦେଇଥିଲେ । ଏଥିରେ ପ୍ରାୟ ୫୦ ଜଣ ଚାଷୀ ଯୋଗ ଦେଇଥିଲେ ।
ଏହା ଛଡ଼ା ଏହି ସଭାରେ ଆଇଏଏସ୍ର ଡିନ୍ ପ୍ରଫେସର ସନ୍ତୋଷ କୁମାର ରାଉତ, ପ୍ରଫେସର ବାସୁଦେବ ବେହେରା, ଡକ୍ଟର ସରୋଜ କୁମାର ମହାନ୍ତି, ଡକ୍ଟର ଜଗମୋହନ ଲାଲ ଗୁଲାଟି, ଡକ୍ଟର ମନମୋହନ ମିଶ୍ର ଓ ଡକ୍ଟର ନାରାୟଣ ସାହୁ ପ୍ରମୁଖ ବକ୍ତଦ୍ୟ ରଖିଥିଲେ ।
ସହକାରୀ ଅଧ୍ୟାପକ ଡକ୍ଟର ସତ୍ୟନାରାୟଣ ଶତପଥୀ,ଡକ୍ଟର ସ୍ତୃତି ଦେବପ୍ରିୟା ବେହେରା, ଡକ୍ଟର ଜିତେନ୍ଦ୍ର କୁମାର ନାୟକ, ଡକ୍ଟର ବ୍ରଜ ବିହାରୀ ପାଣ୍ଡେ ଓ ଡକ୍ଟର ବିଶାଲ ବିନୟ ଭଟ୍ଟ ସଭାରେ ଗାଜର ଘାସ ବିଷୟରେ କୃଷକମାନଙ୍କ ସଂଶୟ ଦୂର କରିଥିଲେ।
