ନୂଆଦିଲ୍ଲୀ,୩।୪: ଦିଲ୍ଲୀ-ଏନସିଆରରେ ବାଣ ତିଆରି, ସଂରକ୍ଷଣ ଏବଂ ବିକ୍ରୟ ଉପରେ ଲଗାଯାଇଥିବା କଟକଣାକୁ ଉଠାଇବାକୁ ସୁପ୍ରିମକୋର୍ଟ ମନା କରିଦେଇଛନ୍ତି। କୋର୍ଟ କହିଛନ୍ତି,ଏଠାରେ ବାୟୁ ପ୍ରଦୂଷଣ ଦୀର୍ଘ ସମୟ ଧରି ବିପଜ୍ଜନକ ସ୍ତରରେ ରହିଛି। ମାମଲାର ଶୁଣାଣି ସମୟରେ ବିଚାରପତି ଅଭୟ ଏସ୍ ଓକା ଏବଂ ଉଜ୍ଜଲ ଭୂଇଁଆଙ୍କ ଖଣ୍ଡପୀଠ କହିଛନ୍ତି, ରାସ୍ତାରେ କାମ କରୁଥିବା ଲୋକମାନେ ପ୍ରଦୂଷଣ ଦ୍ୱାରା ସବୁଠାରୁ ଅଧିକ ପ୍ରଭାବିତ ହୁଅନ୍ତି। ସମସ୍ତଙ୍କର ଘରେ କିମ୍ବା କାର୍ଯ୍ୟସ୍ଥଳରେ ଏୟାର ପ୍ୟୁରିଫାୟର୍ ଲଗାଇବାର ସୁବିଧା ନାହିଁ।

ସୁପ୍ରିମକୋର୍ଟ କହିଛନ୍ତି, 'ଗତ ଛଅ ମାସରେ,  କୋର୍ଟ ଅନେକ ନିର୍ଦ୍ଦେଶ ଦେଇଛନ୍ତି ଯାହା ଦର୍ଶାଉଛି ଯେ ଦିଲ୍ଲୀରେ ବାୟୁ ପ୍ରଦୂଷଣର ସ୍ଥିତି ବହୁତ ଖରାପ ରହିଛି।' ସମ୍ବିଧାନର ଧାରା ୨୧ ଅନୁଯାୟୀ ସ୍ୱାସ୍ଥ୍ୟ ଅଧିକାର ପ୍ରତ୍ୟେକ ନାଗରିକଙ୍କର ଅଧିକାର, ଯେଉଁଥିରେ ଏକ ସ୍ୱଚ୍ଛ ଏବଂ ପ୍ରଦୂଷଣମୁକ୍ତ ପରିବେଶରେ ବଞ୍ଚିବାର ଅଧିକାର ମଧ୍ୟ ରହିଛି।’ 

ସୁପ୍ରିମକୋର୍ଟ ଏହା ମଧ୍ୟ କହିଛନ୍ତି  ଯେଉଁ ପର୍ଯ୍ୟନ୍ତ ଏହା ପ୍ରମାଣିତ ନହୁଏ ଯେ ଗ୍ରୀନ୍ କ୍ରାକର  ଖୁବ୍ କମ୍ ପ୍ରଦୂଷଣ ସୃଷ୍ଟି କରେ, ସେପର୍ଯ୍ୟନ୍ତ ଏହି ନିଷେଧ ଉପରେ ପୁନର୍ବିଚାର କରିବାର କୌଣସି ପ୍ରଶ୍ନ ଉଠୁନାହିଁ। କୋର୍ଟଙ୍କ ଅନୁଯାୟୀ, ଦିଲ୍ଲୀରେ ଅସାଧାରଣ  ସ୍ଥିତି ଲାଗି ରହିଛି, ସେହି କାରଣରୁ ବାଣ ଉପରେ କଟକଣା  ଲଗାଇବା ସମ୍ପୂର୍ଣ୍ଣ ଜରୁରୀ। 

ପ୍ରଥମ ଥର ୭୫ ପାର, କାନାଡାରେ ବଢୁଛି ଭାରତୀୟ ବଂଶୋଦ୍ଭବଙ୍କ ଜଲଓ୍ବା: ସବୁଠାରୁ ଅଧିକ ବିରୋଧି ପ୍ରାର୍ଥୀ