ନୂଆଦିଲ୍ଲୀ: ଥାଇଲାଣ୍ଡ ପ୍ରଧାନମନ୍ତ୍ରୀ ପାଏଟୋଙ୍ଗଟାର୍ଣ୍ଣ ସିନାୱାତ୍ରାଙ୍କ ଦ୍ୱାରା ଆୟୋଜିତ ରାତ୍ରିକାଳୀନ ଭୋଜିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ବଂଲାଦେଶର ଅନ୍ତରୀଣ ସରକାରର ମୁଖ୍ୟ ମହମ୍ମଦ ୟୁନୁସ ପାଖାପାଖି ବସିଥିବା ଦେଖିବାକୁ ମିଳିଛି। ବର୍ତ୍ତମାନ ଥାଇଲାଣ୍ଡରେ ବିଆଇଏମ୍ଏସଟିଇସି(ବେ ଅଫ ବେଙ୍ଗଲ ଇନିସିଏଟିଭ ଫର ମଲ୍ଟି-ସେକ୍ଟରିଆଲ ଟେକ୍ନିକାଲ ଆଣ୍ଡ ଇକୋନୋମିକ କୋପରେସନ) ସମିଟ୍ ଚାଲିଛି। ଏହି ପରିପ୍ରେକ୍ଷିରେ ବିଭିନ୍ନ ଦକ୍ଷିଣ-ପୂର୍ବ ଏସିୟ ଦେଶ ଏହି କାର୍ଯ୍ୟକ୍ରମରେ ଯୋଗ ଦେଇଛନ୍ତି। ତେବେ ସେମାନଙ୍କର ବସିବା ବ୍ୟବସ୍ଥା ଆଞ୍ଚଳିକ ସମାବେଶ ଅବସରରେ ଏକ ସମ୍ଭାବ୍ୟ ଦ୍ୱିପାକ୍ଷିକ ବୈଠକ ବିଷୟରେ କଳ୍ପନାଜଳ୍ପନାକୁ ଖୋରାକ ଯୋଗାଇଛି।
ଥାଇଲାଣ୍ଡରେ ବିଆଇଏମ୍ଏସଟିଇସି ସମିଟ୍ ରେ ପିଏମ ମୋଦିଙ୍କ ଛଡା ଥାଇଲାଣ୍ଡ, ବାଂଲାଦେଶ, ଶ୍ରୀ ଲଙ୍କା, ନେପାଳ, ମ୍ୟାମାର ଓ ଭୁଟାନର ଶୀର୍ଷ ନେତା ମାନେ ଯୋଗ ଦେଇଛନ୍ତି। ତେବେ ଏହି କାର୍ଯ୍ୟକ୍ରମ ମଝିରେ ପିଏମ ମୋଦି ଓ ମହମ୍ମଦ ୟୁନୁସଙ୍କ ମଧ୍ୟରେ ଏକ ବୈଠକର କାର୍ଯ୍ୟକ୍ରମ ରହିଛି।
ବାଂଲାଦେଶରେ ଗତବର୍ଷ ଅଗଷ୍ଟ ମାସରେ ଶେଖ ହସିନା ସରକାର ପତ୍ତନ ହୋଇଥିଲା। ଏହାପରେ ବାଂଲାଦେଶରେ ହିନ୍ଦୁ ଓ ସଂଖ୍ୟାଲଘୁଙ୍କ ଉପରେ ହିଂସା ବଢି ଚାଲିଥିଲା। ତେବେ ଭାରତ ଏହାର କଡା ବିରୋଧ କରିବା ପରେ ଉଭୟ ଦେଶ ମଧ୍ୟରେ ସମ୍ପର୍କ ଖରାପ ହେବାରେ ଲାଗିଛି। ତେବେ ନିକଟରେ ୟୁନୁସ ଭାରତର ପୂର୍ବୋତ୍ତର ରାଜ୍ୟ ଗୁଡିକୁ ନେଇ ମନ୍ତବ୍ୟ ଦେବା ପରେ ଦୁଇଦେଶ ମଧ୍ୟରେ ସମ୍ପର୍କ ଅତ୍ୟନ୍ତ ଖରାପ ସ୍ତରରେ ପହଞ୍ଚିଛି।
ସୂଚନା ମୁତାବକ ନିକଟରେ ମହମ୍ମଦ ୟୁନୁସ ଚାଇନା ଗସ୍ତରେ ରହିଥିଲେ। ଚାଇନାରେ ଏକ ବୈଠକରେ ଯୋଗ ଦେଇ ସେ କହିଥିଲେ ଯେ ଭାରତର ପୂର୍ବୋତ୍ତର ରାଜ୍ୟ ଗୁଡିକୁ ସମ୍ପୂର୍ଣ୍ଣ ଭାବେ ଲ୍ୟାଣ୍ଡ ଲକ୍ଡ ରାଜ୍ୟ। ସମୁଦ୍ର ସହ ସେମାନଙ୍କର କୌଣସି ସିଧାସଳଖ ଯୋଗାଯୋଗ ନାହିଁ। ସେମାନହ୍କ ପାଇଁ ବାଂଲାଦେଶ ହିଁ ପ୍ରମୁଖ ବିକଳ୍ପ। ଏହା ସହ ସେ ନିଜକୁ ସନୁଦ୍ରର ରକ୍ଷକ କହିବା ସହ ବେଜିଂକୁ ବାଂଲାଦେଶରେ ବାଣିଜ୍ୟ କରିବାକୁ ନିମନ୍ତ୍ରଣ କରିଥିଲେ।
ଭାରତର ବିଭିନ୍ନ ରାଜନୈତିକ ବ୍ୟକ୍ତିବିଶେଷମାନେ ଏହାକୁ ନେଇ ୟୁନୁସଙ୍କ ବିରୋଧ କରିଥିଲେ। ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମା ଏହି ଉକ୍ତିକୁ ଅପମାନଜନକ ଓ ଗ୍ରହଣଯୋଗ୍ୟ ନୁହେଁ। ଏହାସହ ୟୁନୁସଙ୍କ ଚିକେନ ନେକ କରିଡରକୁ ନେଇ ଦେଇଥିବା ବୟାନକୁ ନେଇ ମଧ୍ୟ ହିମନ୍ତ ତାଙ୍କୁ ଟାର୍ଗେଟ କରିଥିଲେ। ଏହାସହ ବାଂଲାଦେଶର ଅନ୍ତରୀଣ ସରକାର ପୂର୍ବୋତ୍ତର ରାଜ୍ୟକୁ ଏକ ରଣନୈତିକ ମୁଦ୍ଦା ଭାବେ ବ୍ୟବହାର କରୁଛି ବୋଲି ମଣିପୁରର ପୂର୍ବତନ ମୁଖ୍ୟମନ୍ତ୍ରୀ ଏନ ବିରେନ ସିଂ ଅଭିଯୋଗ କରିଛନ୍ତି।
