ନୂଆଦିଲ୍ଲୀ : ଗତ ସପ୍ତାହରେ ମିଆଁମାରରେ ହୋଇଥିବା ଭୂମିକମ୍ପ ପର ଠାରୁ ଦେଶରେ ଜୀବନ ଅସ୍ତବ୍ୟସ୍ତ ହୋଇ ଯାଇଛି। ଅନେକ ସହର ଭଗ୍ନାବଶେଷ ତଳେ ପୋତି ହୋଇ ଯାଇଛି। ଉଦ୍ଧାର ଓ ସୁରକ୍ଷାକାରୀ ଟିମ୍ର ଲୋକେ ଦିନରାତି ଭଗ୍ନାବଶେଷକୁ ହଟାଇବା ଚେଷ୍ଟାରେ ଲାଗି ପଡ଼ିଛନ୍ତି। ସେଠାରେ ଦୁର୍ଘଟଣାରେ ୬ଦିନ ବିତି ଥିବା ବେଳେ , ଏବେ ଭଗ୍ନାବଶେଷ ମଧ୍ୟରୁ କେହି ଜୀବନ୍ତ ବଞ୍ଚିବାର ସମ୍ଭାବନାର ପୂର୍ଣ୍ଣଚ୍ଛେଦ ପଡ଼ିଛି। ଏହି ମଧ୍ୟରେ ଗୁରୁବାର ସୁଦ୍ଧା ମୃତକଙ୍କ ସଂଖ୍ୟା ୩୦୦୦ରୁ ଅଧିକ ହୋଇଯାଇଛି। ଦେଶର ସେନା ପରିଚାଳିତ ସରକାର କହିଛନ୍ତି କି, ଗୁରୁବାର ଉଦ୍ଧାରକାରୀ ଦଳଙ୍କୁ ଆହୁରି ମୃତଦେହ ମିଳିଛି, ଯେଉଁଥିରେ ଅଫିସିଆଲି ଭାବେ ମୃତ୍ୟୁ ସଂଖ୍ୟା ୩,୦୮୫ ପର୍ଯ୍ୟନ୍ତ ପହଞ୍ଚି ଯାଇଛି। ସରକାର କହିଛନ୍ତି ଯେ, ଅନେକ ସହାୟତା ଗ୍ରୁପ୍ ଆହତଙ୍କ ସାହାଯ୍ୟ କରିବାରେ ଲାଗି ପଡ଼ିଛନ୍ତି।
ଏକ ସଂକ୍ଷିପ୍ତ ବୟାନରେ ସେନା କହିଛି ଯେ, ଦୁର୍ଘଟଣା ପରେ ପାଖାପାଖି ୪ ହଜାରରୁ ଅଧିକ ଲୋକ ଆହତ ହୋଇଛନ୍ତି। ସେପଟେ ଶହ ଶହ ଲୋକ ଏବେ ମଧ୍ୟ ନିଖୋଜ ଅଛନ୍ତି। ଉଲ୍ଲେଖନୀୟ ଯେ , ଗତ ଶୁକ୍ରବାର ଆସିଥିବା ଭୂକମ୍ପର କେନ୍ଦ୍ର ମିଆଁମାରର ଦ୍ୱିତୀୟ ସବୁଠୁ ବଡ଼ ସହର ମାଣ୍ଡଲେର ନିକଟରେ ଥିଲା। ଏହାର ତୀବ୍ରତା ୭.୭ ମପା ଯାଇଛି। ଭୟଙ୍କର ଭୂକମ୍ପରେ ଦେଶର ବେସିକ୍ ଷ୍ଟ୍ରକଚରର ଜବରଦସ୍ତ କ୍ଷତି ପହଞ୍ଚିଛନ୍ତି, ଯେଉଁଠି ହଜାର ହଜାର ବିଲ୍ଡିଂ ଧ୍ୱଂସବିଂଧ୍ୱସ ହୋଇ ଯାଇଛି। ଅନେକ ପ୍ରମୁଖ ସଡ଼କ ଓ ବ୍ରିଜ୍ର କ୍ଷତିଗ୍ରସ୍ତ ହୋଇଥିବା ଯୋଗୁଁ ସୁଦୂର ଅଞ୍ଚଳରେ ସାହାଯ୍ୟ ପହଞ୍ଚିବା ମୁସ୍କିଲ ହେଉଛି।
ମୃତକଙ୍କ ସଂଖ୍ୟା ବହୁତ ଅଧିକ –
ସ୍ଥାନୀୟ ମିଡ଼ିଆ ମୁତାବିକ ଏହି ଟ୍ରାଜେଡିରେ ମୃତକଙ୍କ ସଂଖ୍ୟା ଅଫିସିଆଲି ଫିଗର ଠାରୁ ବହୁତ ଅଧିକ ରହିଛି। ରିପୋର୍ଟ ମୁତାବିକ , ଦୂରସଞ୍ଚାର ସେବା ବାଧିତ ହେବାର କାରଣରୁ ଅନେକ ସ୍ଥାନ ଯାଏ ପହଞ୍ଚିବା ମୁସ୍କିଲ ହେଉଛି। ଏଥିରେ ଅଧିକ ସୂଚନା ସାମ୍ନାକୁ ଆସିବାରେ ମୃତକଙ୍କ ସଂଖ୍ୟା ଖୁବ୍ ଜୋରରେ ବଢି ପାରେ। ଭୂକମ୍ପ ପରେ ଅନେକ ଲୋକ ବାସହରା ହୋଇ ସାରିଛନ୍ତି। ସଂଯୁକ୍ତ ରାଷ୍ଟ୍ର ମୁତାବିକ ଭୂକମ୍ପ ଦେଶରେ ପୂର୍ବରୁ ଜାରି ଗୁରୁତର ମାନବୀୟ ସଙ୍କଟକୁ ଆହୁରି ବଢାଇ ଦେଇଛି। ଅନୁମାନ ମୁତାବିକ ,ଦେଶର ପାଖାପାଖି ୩୦ ଲକ୍ଷରୁ ଅଧିକ ଲୋକ ନିଜର ଘର ଠାରୁ ବିସ୍ଥାପିତା ହୋଇ ଯାଇଛନ୍ତି।
ବିଶ୍ୱ ସ୍ୱାସ୍ଥ୍ୟ ସଙ୍ଗଠନ କହିଛି ଯେ, ପ୍ରାରମ୍ଭିକ ଆକଳନ ମୁତାବିକ , ଭୂକମ୍ପରେ ୪ଟି ହସ୍ପିଟାଲ ଓ ଗୋଟିଏ ସ୍ୱାସ୍ଥ୍ୟ କେନ୍ଦ୍ର ସଂପୂର୍ଣ୍ଣ ରୂପେ ନଷ୍ଟଭ୍ରଷ୍ଟ ହୋଇ ଯାଇଛି। ସେଠାରେ ଆହୁରି ଅନେକ ହସ୍ପିଟାଲ ଓ ସ୍ୱାସ୍ଥ୍ୟ କେନ୍ଦ୍ରକୁ ହିଁ କ୍ଷତି ପହଞ୍ଚିଛି। ସଂଯୁକ୍ତ ରାଷ୍ଟ୍ର କହିଛି , ବେସିକ୍ ଷ୍ଟ୍ରକଚର କ୍ଷତିଗ୍ରସ୍ତ ହେବା ଓ ରୋଗୀଙ୍କ ସଂଖ୍ୟାବୃଦ୍ଧି କାରଣରୁ ସବୁଠୁ ଅଧିକ ପ୍ରଭାବିତ କ୍ଷେତ୍ରରେ ସେବା ପହଞ୍ଚିବା ମୁସ୍କିଲ ହେଉଛି। ହଜାର ହଜାର ଲୋକଙ୍କ ଟ୍ରମା କେୟାର, ସର୍ଜିକାଲ କେୟାର ଓ ଅନ୍ୟ ଉପଚାରର ତତ୍କାଳ ଜରୁରୀ। କହି ରଖୁଛୁ କି, ଭାରତର ଏକ ମୋବାଇଲ ହସ୍ପିଟାଲ ମଧ୍ୟ ଜରୁରୀ ଲୋକ ସାହାଯ୍ୟରେ ଲାଗି ପଡିଛି।
