ନୂଆଦିଲ୍ଲୀ,୩।୪: ଲଣ୍ଡନରୁ ମୁମ୍ବାଇ ଯାଉଥିବା ଭର୍ଜିନ ଆଟଲାଣ୍ଟିକ୍ ଫ୍ଲାଇଟ୍ରେ ହଠାତ ଜଣେ ଯାତ୍ରୀ ହୋଇପଡିଲେ ଅସୁସ୍ଥ। ଏହି କାରଣରୁ ବିମାନକୁ ତୁର୍କୀର ଏକ ଏୟାରପୋର୍ଟରେ କରିବାକୁ ପଡିଥିଲା ଜରୁରୀ ଅବତରଣ। କିନ୍ତୁ ଏହି ଜରୁରୀ ଅବତରଣ ଯାତ୍ରୀଙ୍କ ପାଇଁ ଅଡୁଆ ପାଲଟିଛି। ୨୦୦ ରୁ ଅଧିକ ଭାରତୀୟ ଯାତ୍ରୀ ଗତ ୧୮ ଘଣ୍ଟା ଧରି ବିମାନବନ୍ଦରରେ ଫଶି ରହିଛନ୍ତି। ସେଠାରେ ଖାଦ୍ୟପେୟର କୌଣସି ସୁବିଧା ନାହିଁ କିମ୍ବା ଆରାମ କରିବା ବ୍ୟବସ୍ଥା।
ରିପୋର୍ଟ ଅନୁସାରେ, ଯେତେବେଳେ ବିମାନଟି ଜରୁରୀ ଅବତରଣ କରିଥିଲା ସେଥିରେ ଯାନ୍ତ୍ରି ତ୍ରୁଟି କାରଣରୁ ଖରାପ ହୋଇଯାଇଥିଲା। ଏପରିକି ଯେଉଁ ଏୟାରପୋର୍ଟରେ ଲ୍ୟାଣ୍ଡିଂ କରାଯାଇଥିଲା, ସେଠାରେ ଉଡାଣ ଭରିବାର ସୁବିଧା ନଥିଲା। ଏଭଳି ସ୍ଥିତିରେ ବିମାନଟି ମୁମ୍ବାଇ ଅଭିମୁଖେ ଯାତ୍ରୀ କରିପାରିନଥିଲା।
ସୋସିଆଲ ମିଡିଆରେ ଜଣେ ଯାତ୍ରୀଙ୍କ କହିବା ଅନୁସାରେ, ଆମେ ୧୮ ଘଣ୍ଟା ଧରି ଫଶି ରହିଛୁ। କାହା ସହ ଠିକ୍ରେ ଯୋଗାଯୋଗ କରିପାରୁନୁ। ବିମାନବନ୍ଦରରେ ଯେଉଁ ଟର୍ମିନାଲରେ ଆମକୁ ରୋକାଯାଇଛି ସେଠାରେ ପାଣି ଓ ଖାଦ୍ୟ ବି ମିଳୁନି। ଶିଶୁ, ମହିଳା ଏବଂ ବୟସ୍କଙ୍କୁ ସବୁଠାରୁ ଅଧିକ ସମସ୍ୟା ହେଉଛି।’ ଏହା ମଧ୍ୟରେ ମହାରାଷ୍ଟ୍ର ସରକାର ମଧ୍ୟ ଏହି ମାମଲାରେ ହସ୍ତକ୍ଷେପ କରିଛନ୍ତି। ଯାତ୍ରୀ ଜଣକ ୁମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ଙ୍କୁ ସାହାଯ୍ୟ କରିବେ ବୋଲି ଆଶ୍ବାସନା ଦେଇଛନ୍ତି। ସେଭଳି ଭାରତୀୟ ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ସ୍ଥିତିକୁ ନିୟନ୍ତ୍ରଣରେ ଆଣିବାକୁ ଜଣେ ନୋଡାଲ ଅଫିସରଙ୍କୁ ମୁତୟନ କରିଛି।
