ନୂଆଦିଲ୍ଲୀ,୧୨/୦୧: ଦିଲ୍ଲୀ ବିଧାନସଭା ନିର୍ବାଚନ ନେଇ ଦିନ ନିକଟ ହେଉଛି । ସରଗରମ ରହିଛି ରାଜନୀତି ପାଣିପାଗ । ଏହାରି ଭିତରେ ଶାସକ ଆପ୍ ଓ ବିଜେପି ମଧ୍ୟରେ ପୋଷ୍ଟର ୱାର ତେଜିବାରେ ଲାଗିଛି । ବିଜେପି ଉପରେ ପୁଣି ଆକ୍ରମଣ କରିଛି ଆମ୍ ଆଦମୀ ପାର୍ଟି । 'ଗାଲିବାଜ୍' ବନାମ୍ 'ଆପ୍ ଦା-ଏ- ଆଜମ୍' ପୋଷ୍ଟର ଫାଇଟ ହୋଇଛି ।

गालीबाज़ पार्टी का गालीबाज़ CM चेहरा‼️#DelhiKaCMKaun pic.twitter.com/SbzXpTVHwp

— AAP (@AamAadmiParty) January 11, 2025

ବିଜେପିର କାଲକାଜୀ ପ୍ରାର୍ଥୀ ରମେଶ ବିଧୁ଼ଡିଙ୍କୁ ଟାର୍ଗେଟ କରି ଆପ୍ ଏକ ପୋଷ୍ଟର ଜାରି କରିଛି । ଏହି ପୋଷ୍ଟରରେ କାଲକାଜୀ ପ୍ରାର୍ଥୀ ରମେଶ ବିଧୁଡିଙ୍କୁ ଆପ୍ ବାହୁବାଲୀ-୧ର ଭିଲିଆନ ଭାବେ ଦର୍ଶାଇଛି ଆପ୍ । ଏକ୍ସରେ କରାଯାଇଥିବା ଏହି ପୋଷ୍ଟରେ ଲେଖାଯାଇଛି କି ବିଜେପି କା ଗାଲିବାଜ ସିଏମ୍ ଚେହେରା ଏବଂ ଗାଲିବାଜ ପାର୍ଟି କା ଗାଲିବାଜ ସିଏମ ଫେସ୍ । ବିଜେପି ମଧ୍ୟ ଏହି ପୋଷ୍ଟର ବିରୋଧ କରି ଏକ ପୋଷ୍ଟ କରିଛି ।

ବିଜେପି ଜାରି କରିଥିବା ପୋଷ୍ଟରେ ଲେଖିଛି, ଦିଲ୍ଲୀ-କୀ ଜନତା ନେ ଠାନା ହୈ ଶୀଶମହଲ ବାଲୋ 'ଗାଲିବାଜ୍' ବନାମ୍ 'ଆପ୍ ଦା-ଏ- ଆଜମ୍ କୋ ଭଗାନା ହୈ, । ଦିଲ୍ଲୀକୁ ବର୍ବାଦ କରିଦେଲା ଏହି 'ଆପ୍ ଦା-କି ଟୋଲୀ । ଏବେ ସହିବୁ ନାହିଁ । ବଦଳାଇ କି ରହିବୁ ।

दिल्ली की जनता ने ठाना है,
शीशमहल वाले AAP-दा-ए-आजम को भगाना है pic.twitter.com/V9Mdkm7E9T

— BJP Delhi (@BJP4Delhi) January 11, 2025

ଉଲ୍ଲେଖ୍ୟଯୋଗ୍ୟ, ଆପ୍ ଗତ ଶୁକ୍ରବାର  ଏକ ପୋଷ୍ଟର ଜାରି କରି ବିଜେପି ନେତାମାନେ ଆପମାନଜନକ ଟିପ୍ପଣୀ ଦେଉଥିବା ଅଭିଯୋଗ କରିଥିଲା । ବିଜେପିକୁ 'ଗାଳିଗୁଲଜକାରୀ ଦଳ' କହିଥିଲା । ଅମିତ ଶାହ, ଜେପି ନଡ୍ଡା, ରମେଶ ବିଧୁଡିଙ୍କୁ ଟାର୍ଗେଟ କରି ପୋଷ୍ଟ କରିଥିଲା । ବିଜେପି ମଧ୍ୟ ଏକ ପୋଷ୍ଟ ଜାରି କରି କେଜ୍ରିୱାଲ ପୂର୍ବାଞ୍ଚଳ ସମ୍ପ୍ରଦାୟକୁ ଲଗାତାର ଅପମାନିତ କରୁଛନ୍ତି । ପୋଷ୍ଟରର କ୍ୟାପସନ ରହିଥିଲା ପୂର୍ବାଞ୍ଚଳ ସମାଜ କା ଅପମାନ, 'ଶୀଶମହଲ କେ ନୱାବ କେଜ୍ରିୱାଲ କି ପେହଚାନ' ।

କହିରଖୁଛୁ କି, ଫେବୃଆରୀ ୨୩ ତାରିଖରେ ଦିଲ୍ଲୀ ବିଧାନସଭା କାର୍ଯ୍ୟକାଳ ଶେଷ ହେଉଛି । ଏହା ପୂର୍ବରୁ ୭୦ ଆସନ ବିଶିଷ୍ଟ ଦିଲ୍ଲୀ ବିଧାନସଭା ନିର୍ବାନଚ ନେଇ ଫେବୃଆରୀ ୫ ତାରିଖରେ ଭୋଟ ଗ୍ରହଣ ହେବ । ୮ ତାରିଖରେ ଫଳାଫଳ ପ୍ରକାଶ ପାଇବ । କାହାର ହେବ ଦିଲ୍ଲୀ ଏ ନେଇ ରାଜନୈତିକ ଦଳ ମଧ୍ୟରେ ଜୋରଦାର ପ୍ରସ୍ତତି ଆରମ୍ଭ ହୋଇଛି ।