ନୂଆଦିଲ୍ଲୀ: ବିଗତ ବର୍ଷ ଗୁଡ଼ିକରେ ଗୁରୁତ୍ୱପୂର୍ଣ୍ଣ ନିଯୁକ୍ତି ହ୍ରାସ ପରେ ଏବେ ଚଳିତ ୨୦୨୫ ଆରମ୍ଭରୁ ମଧ୍ୟ ବିଭିନ୍ନ ଶିଳ୍ପ କ୍ଷେତ୍ରରେ କର୍ମଚାରୀ ହ୍ରାସ ଜାରି ରହିଛି। ବିଜନେସ୍ ଇନସାଇଡର ରିପୋର୍ଟ ଅନୁଯାୟୀ, ବିଭିନ୍ନ କମ୍ପାନୀ ଗୁଡ଼ିକ ଏହି ଛଟେଇ ପାଇଁ ବିଭିନ୍ନ ଗୁଡିଏ କାରଣ ଦର୍ଶାଇଛନ୍ତି, ଯାହାର ମୁଖ୍ୟ କାରଣ ହେଉଛି ଟେକନୋଲୋଜିର ଉନ୍ନତି, ବିଶେଷକରି ଆର୍ଟିଫିସିଆଲ ଇଣ୍ଟେଲିଜେନ୍ସି (AI)। ବିଶ୍ୱ ଅର୍ଥନୈତିକ ଫୋରମର ଏକ ସର୍ଭେ ଅନୁଯାୟୀ, AIର ବୃଦ୍ଧି ଯୋଗୁଁ ଆଗାମୀ ପାଞ୍ଚ ବର୍ଷ ମଧ୍ୟରେ ବିଶ୍ୱର ୪୧% କମ୍ପାନୀ ସେମାନଙ୍କର କର୍ମଶକ୍ତି ହ୍ରାସ କରିବାକୁ ପ୍ରସ୍ତୁତ ହେଉଛନ୍ତି । 

ବିଜନେସ୍ ଇନସାଇଡର ରିପୋର୍ଟ କରିଛି ଯେ, ଏହି ବର୍ଷ ଅନେକ ପ୍ରମୁଖ ଫାର୍ମ ସେମାନଙ୍କର ଚାକିରି କାଟ ଘୋଷଣା କରିସାରିଛନ୍ତି। ଯେତେବେଳେ କି ବ୍ଲାକରକ୍ ଏହାର କର୍ମଚାରୀଙ୍କ ସଂଖ୍ୟା ପ୍ରାୟ ୨୦୦ କାଟ୍ କରୁଛି ଯାହା ଏହାର କର୍ମଚାରୀଙ୍କ ସଂଖ୍ୟାର ୧ % ଅଟେ । ସେହିଭଳି ବ୍ରିଜୱାଟର ଆସୋସିଏଟ୍ସ ମଧ୍ୟ ଏହାର କର୍ମଚାରୀଙ୍କ ସଂଖ୍ୟାର ୭% ହ୍ରାସ କରିଛି ଏବଂ ଏହାର ସଂଖ୍ୟାକୁ ୨୦୨୩ ସ୍ତରକୁ ଫେରାଇ ଆଣିଛି। ଏହା ସହିତ, ୱାଶିଂଟନ୍ ପୋଷ୍ଟ ଏହାର ସମସ୍ତ କାର୍ଯ୍ୟକୁ ସୁବ୍ୟବସ୍ଥିତ କରିବା ପାଇଁ ନ୍ୟୁଜରୁମ୍ ନଥିବା କ୍ଷେତ୍ରରେ ୧୦୦ ରୁ କମ୍ ପଦବୀକୁ ମଧ୍ୟ ହଟାଇ ଦେଉଛି। ସେହିଭଳି ମାଇକ୍ରୋସଫ୍ଟ ମଧ୍ୟ କମ ପ୍ରଦର୍ଶନ କରୁଥିବା କର୍ମଚାରୀ ମାନଙ୍କ ଉପରେ ଧ୍ୟାନ ଦେଇ ଅନିର୍ଦ୍ଦିଷ୍ଟ ହ୍ରାସ ଯୋଜନା ମଧ୍ୟ କରୁଛି।

ସେପଟେ ଆଲି ଫାଇନାନ୍ସିଆଲ୍ ଏହାର ଆକାରର ପ୍ରାୟ ୫ଶହ କର୍ମଚାରୀ କିମ୍ବା ଏହାର କର୍ମଚାରୀଙ୍କ ପ୍ରାୟ ୫% ରୁ କମ୍ କର୍ମଚାରୀଙ୍କୁ ଛଟେଇ କରୁଛି ବୋଲି ବିଜନେସ୍ ଇନସାଇଡର ଉଲ୍ଲେଖ କରିଛି। ଏହି ଛଟେଇ ପ୍ରକୃତରେ ଟେକ୍ନୋଲୋଜି ଏବଂ ଫାଇନାନ୍ସ କ୍ଷେତ୍ରର ବ୍ୟାପକ ଧାରା ପ୍ରତିଫଳିତ କରୁଛି । କମ୍ପାନୀଗୁଡ଼ିକ ଆର୍ଥିକ ଚାପ ଏବଂ ଟେକନୋଲୋଜି ପରିବର୍ତ୍ତନ ପାଇଁ ଏଭଳି କରୁଥିବା ଜଣାପଡିଛି।