କଣ୍ଟାବାଞ୍ଜି, ୧୭/୦୭: ଓଲଟିଲା ପିକ୍ଅପ୍ ଗାଡି । ନଷ୍ଟ ହେଲା ପରିବା । କଣ୍ଟାବାଞ୍ଜିରୁ ସିନ୍ଧେକେଲା ବଜାର ପରିବା ବିକ୍ରି କରିବାକୁ ଯାଉଥିଲା । କନ୍ଦବାହାଲ ଛକ ଠାରେ ଭାରସାମ୍ୟ ହରାଇ ଓଲଟି ଯାଇଥିଲା। ଜଣେ ପରିବା ବ୍ୟବସାୟୀ ଗୁରୁତର ସହ ୫ ଜଣ ଆହତ ।
ସୂତନା ଅନୁଯାୟୀ, ବୁଧବାର ସକାଳୁ ଏକ ପିକ୍ଅପ୍ ଗାଡି କଣ୍ଟାବାଞ୍ଜିରୁ ସିନ୍ଧେକେଲା ବଜାର ପରିବା ବିକ୍ରି କରିବାକୁ ଯାଉଥିଲା । କନ୍ଦବାହାଲ ଛକ ଠାରେ ଭାରସାମ୍ୟ ହରାଇ ଓଲଟି ପଡିଥିଲା ପିକ୍ଅପ୍ ଗାଡି । ଫଳରେ ଗାଡିଟି ରାସ୍ତାର ପାର୍ଶ୍ୱରେ ଥିବା ଏକ ଚାଷ ଜମି ଭିତରକୁ ପଶିଯାଇଛି । ଏଥିରେ କଣ୍ଟାବାଞ୍ଜି ସତନାମୀ ପଡାର ଜଣେ ପରିବା ବ୍ୟବସାୟୀ ଗୁରୁତର ହୋଇଥିବା ବେଳେ ଅନ୍ୟ ୫ ଜଣ ଆହତ ହୋଇଛନ୍ତି । ବ୍ୟବସାୟୀଙ୍କ ନାମ ରାଧେ ସତନାମୀ । ସମସ୍ତଙ୍କୁ ଘଟଣା ସ୍ଥଳରୁ ଉଦ୍ଧାର କରି କଣ୍ଟାବାଞ୍ଜି ଡାକ୍ତରଖାନାରେ ଭର୍ତ୍ତି କରାଯାଇଛି । ଘଟଣା ସ୍ଥଳରେ କଣ୍ଟାବାଞ୍ଜି ପୋଲିସ ପହଞ୍ଚି ଅଧିକ ତଦନ୍ତ ଆରମ୍ଭ କରିଛି ।