ରାୟଗଡ଼ା, ୧୭/୦୭ : ଘରର ତାଜା ଖସିପଡ଼ି ଚାଲିଗଲା ପାଞ୍ଚ ବର୍ଷ ଝିଅର ଜୀବନ। ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକ କୋରପା ପଞ୍ଚୟତ ବେର୍ଲାଙ୍ଗ ଗ୍ରାମରେ ଘଟିଛି ଏଭଳି ଅଭାବନୀୟ ଘଟଣା। ମୃତକ ଶିଶୁକନ୍ୟା ହେଲେ କମସିଙ୍ଗ କାଡ୍ରାକାଙ୍କ ସାନ ଝିଅ ଅବନ୍ତି କାଡ୍ରାକା। 

ସୂଚନାନୁଯାୟୀ, ମଙ୍ଗଳବାର ସନ୍ଧ୍ୟାରେ ପ୍ରବଳ ବର୍ଷା ଲାଗି ରହିଥିଲା। କମସିଙ୍ଗ କାଡ୍ରାକାଙ୍କ ସାନ ଝିଅ ଅବନ୍ତି କାଡ୍ରାକା ଘରର ବାହାର ବାରଣ୍ଡାରେ ଖେଳୁଥିବା ବେଳେ ତାଙ୍କ ଉପରକୁ ହଠାତ୍ ତାଜା ଖସି ପଡିଥିଲା। ପରିବାର ଲୋକେ ତାଙ୍କୁ ଡାକ୍ତରଖାନା ନେବାକୁ ଆମ୍ବୁଲାନ୍ସକୁ ଯୋଗାଯୋଗ କରିଥିଲେ। ହେଲେ ଆମ୍ବୁଲାନ୍ସର ସୁବିଧା ମିଳିନଥିଲା। ଯାହାଫଳରେ ଘଟଣାସ୍ଥଳରେ ଅବନ୍ତିର ଜୀବନ ଚାଲିଯାଇଥିଲା। ଏହି ଘଟଣା ପରେ ଗାଁରେ ଶୋକାକୁଳ ପରିବେଶ ସୃଷ୍ଟି ହୋଇଛି। ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଶବ ବ୍ୟବଚ୍ଛେଦ ପାଇଁ ପଠାଇଛି।