ଖୋର୍ଦ୍ଧା,୧/୧୧ : ଘରେ ପଶି ନାବାଳକକୁ ଦୁର୍ବୃତ୍ତର ଛୁରାମାଡ଼ । ନାବାଳକର ମୃତ୍ୟୁ ହୋଇଥିବା ଜଣାପଡ଼ିଛି । ଖୋର୍ଦ୍ଧା ବେଣାପଞ୍ଜୁରି ଗାଁରେ ଘଟିଛି ଏଭଳି ଅଭାବନୀୟ ଘଟଣା । ମୃତକ ହେଲେ ମନୋଜ ପାଲଟାସିଂଙ୍କ ୧୪ବର୍ଷର ପୁଅ ଶୁଭମ୍। 

ସୂଚନା ଅନୁଯାୟୀ, ଶୁଭମ ଘରେ ଥିବାବେଳେ ଜଣେ ଦୁର୍ବୃତ୍ତ ଘରେ ପଶି ମାରିଛି ଛୁରୀ । ପିଲାଟି ନବମ ଶ୍ରେଣୀରେ ଓଡ଼ିଶା ଆଦର୍ଶ ବିଦ୍ୟାଳୟ ଷଣ୍ଢପୁରୁରେ ପଢୁଥିଲା । ବେକ, ଛାତି ହାତ ସହ ଅନ୍ୟ ସ୍ଥାନରେ ୩ରୁ ଊର୍ଦ୍ଧ୍ବ ଥର ଛୁରାମାଡ଼ କରିଛି ଦୁର୍ବୃତ୍ତ । ପରିବାର ଲୋକେ ଏହା ଦେଖି ସଙ୍ଗେସଙ୍ଗେ ଖୋର୍ଦ୍ଧା ମେଡ଼ିକାଲକୁ ଶୁଭମକୁ ଚିକିତ୍ସା ପାଇଁ ଆଣିଥିବାବେଳେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଖବରପାଇ ଜଟଣୀ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି । କିଏ କାହିଁକି ଶୁଭମକୁ ଛୁରାମାଡ଼ କରିଛି ତାହା ଅସ୍ପଷ୍ଟ ରହିଛି ।