ନୂଆଦିଲ୍ଲୀ ୨୦/୧୧: ଟିଭି ଅଭିନେତ୍ରୀ ଚାରୁ ଆସୋପା ସୋସିଆଲ ମିଡିଆରେ ଏକ ଭିଡିଓ ସେୟାର କରିଛନ୍ତି। ଯେଉଁଥିରେ ସେ ତାଙ୍କ ଜୀବନର କଷ୍ଟଦାୟକ ମୁହୂର୍ତ୍ତ ବିଷୟରେ କହିଛନ୍ତି। ଅଭିନେତ୍ରୀ ଜଣେ ସିଙ୍ଗଲ ମଦର୍। ତାଙ୍କ ବ୍ଲଗରେ ସେ ବର୍ଣ୍ଣନା କରିଛନ୍ତି ଯେ ସିଙ୍ଗଲ ମଦର୍ ହୋଇଥିବାରୁ ତାଙ୍କୁ କିପରି ଆପାର୍ଟମେଣ୍ଟରେ ଭଡାରେ ରହିବାକୁ ମନା କରାଯାଉଛି।
ଚାରୁ ସେୟାର କରିଥିବା ଭିଡିଓରେ ସେ କାର ଭିତରେ ବସି କାନ୍ଦୁଥିବାର ନଜର ଆସିଛନ୍ତି। ଅଭିନେତ୍ରୀ ଏକ ଲମ୍ବା କ୍ୟାପସନ୍ ମଧ୍ୟ ଲେଖିଛନ୍ତି। ସେ ଲେଖିଛନ୍ତି, 'ଆମ ସମାଜରେ ଜଣେ ମହିଳା ଯାହା ବି କଲେ, ଯେତେ ବି କଲେ, ସେ କଦାପି ଲୋକଙ୍କ ଚିନ୍ତାଧାରାକୁ ପରିବର୍ତ୍ତନ କରିପାରିବେ ନାହିଁ। ଆଜି ବି ଜଣେ ମହିଳାଙ୍କୁ ଘର ଦେବା ପୂର୍ବରୁ ଦେଖାଯାଏ ଯେ ତାଙ୍କ ସହ କେଉଁ ପୁରୁଷଙ୍କ ନାମ ଜଡିତ ଅଛି କି ନାହିଁ, ଯଦି ନୁହେଁ, ତାଙ୍କୁ ଘର ଦିଆଯାଉନାହିଁ।
ଚାରୁ ଆହୁରି ଲେଖିଛନ୍ତି, 'ଆମ ଦେଶର ମହିଳାମାନଙ୍କ ଅବସ୍ଥା ଦେଖି ଦୁଃଖ ଲାଗେ। ଏହି ଲୋକମାନେ ଯେଉଁମାନେ ଘର ଦେବାକୁ ମନା କରନ୍ତି ସେମାନେ ବାହାରକୁ ଯାଇ ମହିଳା ସଶକ୍ତିକରଣ ନାମରେ ବଡ଼ ବଡ ଭାଷଣ ଦିଅନ୍ତି। ଆଜି ପୁନର୍ବାର ମୋତେ ସମାଜରେ ଏକ ଘର ପାଇଁ ମନା କରାଗଲା କାରଣ ମୁଁ ସିଙ୍ଗଲ ମଦର। ଏବଂ ଚିନ୍ତା କରିବାର ବିଷୟ ହେଉଛି ମୋତେ ମନା କରିଥିବା ଜଣେ ଜଣେ ମହିଳା ଥିଲେ।
