କେନ୍ଦ୍ରାପଡା,୧୧/୦୭: ଅତ୍ୟଧିକ ଗରମ ଓ ଗୁଳୁଗୁଳି ସହି ନପାରି ଅସୁସ୍ଥ ହେଲେ ଛାତ୍ରଛାତ୍ରୀ । କେନ୍ଦ୍ରାପଡା ସହର ଉପକଣ୍ଠ ଉଦୟ ନଗରରେ ହୋଇଛି ଏହି ଘଟଣା । ଟାଇମ୍ସ ଗୁରୁକୂଳ ସ୍କୁଲରେ ପାଠ ପଢୁଥିବା ବେଳେ ହଠାତ୍ ଅସୁସ୍ଥ ହୋଇପଡିଲେ ଛାତ୍ରଛାତ୍ରୀ । ସମସ୍ତ ୮ ଜଣଙ୍କୁ  ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା । ସ୍କୁଲରେ ବିଦ୍ୟୁତ୍ ଯୋଗାଣ ନଥିବାରୁ ଏପରି ଘଟଣା ଘଟିଥିବା ଅଭିଯୋଗ।

ସୂଚନା ଅନୁଯାୟୀ, ଟାଇମ୍ସ ଗୁରୁକୂଳ ସ୍କୁଲରେ ପାଠ ପଢୁଥିବା ବେଳେ ହଠାତ୍ ଅସୁସ୍ଥ ହୋଇପଡ଼ିଲେ ଛାତ୍ରଛାତ୍ରୀ । ସ୍କୁଲରେ ବିଦ୍ୟୁତ୍ ଯୋଗାଣ ନଥିବାରୁ ପ୍ରବଳ ଗରମ ଓ ଗୁଳୁଗୁଳିରେ ପିଲାଙ୍କର ଏପରି ଅବସ୍ଥା ହୋଇଛି । ଦିନ ପ୍ରାୟ ୧୨ଟା ବେଳେ ସ୍କୁଲରେ ପାଠ ପଢା ଚାଲିଥିଲା । ଏହି ସମୟରେ ହଠାତ୍ କିଛି ପିଲା ଚେତାଶୂନ୍ୟ ହୋଇଯାଇଥିଲେ। ପ୍ରାୟ ୮ ଜଣଙ୍କୁ ତୁରନ୍ତ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା ।  ଏନେଇ  ସ୍କୁଲରେ ବିଦ୍ୟୁତ୍ ଯୋଗାଣ ନଥିବାରୁ ଏପରି ହୋଇଛି ବୋଲି  ଅଭିଭାବକ ଅଭିଯୋଗ କରିଛନ୍ତି।। ଏ ନେଇ ସ୍କୁଲ କର୍ତ୍ତୃପକ୍ଷଙ୍କ ପ୍ରତିକ୍ରିୟା ମିଳିପାରି ନାହିଁ ।