ନୀଳଗିରି,୧୮/୭(ଆ.ପ୍ର)ବାଲେଶ୍ୱର ଜିଲ୍ଲା ନୀଳଗିରି ପଞ୍ଚଲିଙ୍ଗେଶ୍ୱର ହୁଡିସାହି ଗାଁରେ ବିଶାକ୍ତ ଛତୁ ଖାଇ ଗୋଟିଏ ପରିବାରର ୪ ଗୁରୁତର ହୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି।ଗୁରୁତର ଭିତରୁ ଦେଢ଼ବର୍ଷରେ ଶିଶୁ କନ୍ୟା ରହିଛି। ଗୁରୁତର ମାନେ ହେଲେ ଜେମା ସିଂ ତାଙ୍କ ବୋହୁ ଧରିତ୍ରୀ ସିଂ,ଦେଢ଼ ବର୍ଷର ନାତୁଣୀ ଶୁଭଶ୍ରୀ ଓ ନୁଆସାହି ଗ୍ରାମର କକା ସତୁରା ସିଂ।
ସୂଚନାଯୋଗ୍ୟ ନୀଳଗିରି ଥାନା ଔପଦା ବ୍ଲକ ଶ୍ୟାମସୁନ୍ଦରପୁର ପଂଚାୟତ ପଞ୍ଚଲିଙ୍ଗେଶ୍ୱର ନିକଟ ହୁଡ଼ିସାହି ଗ୍ରାମରେ ଜେମା ସିଂ ବାଡିରୁ ଛତୁ ତୋଳି ଆଣିଦେଇଥିଲେ। ବୋହୁ ରୋଷେଇ କରିବା ପରେ ପରିବାର ଲୋକେ ଖାଇବା ପରେ ଆରମ୍ବ ହୋଇଥିଲା ବାନ୍ତି। ତେବେ ଛତୁ ବିଶାକ୍ତ କାରଣରୁ ଏଭଳି ହୋଇଥିବାରୁ ସମସ୍ତଙ୍କୁ ନୀଳଗିରି ଡାକ୍ତରଖାନାରେ ଭର୍ତ୍ତି କରାଯାଇଥିଲା।ସେମାନଙ୍କ ମଧ୍ୟରୁ ଜଣେ ଦେଢ଼ବର୍ଷର ଶିଶୁ କନ୍ୟା ଥିବା ଜଣାପଡିଛି।ପରେ ୩ଜଣଙ୍କୁ ଫକୀରମୋହନ ମେଡ଼ିକାଲ କଲେଜ କୁ ସ୍ଥାନାନ୍ତର କରାଯାଇଛି।